السلام عليكم ورحمه الله وبركاتة يافتوكات
الاول صلو على سيدنا محمد
سبحان الله وبحمده سبحان الله العظيم
لا اله الا انت سبحانك انى كنت من الظالمين
قبل ما ابدأ قصة الفول الي كلفني 60ج
الطريقه من ايد امي حبيبتي ربنا يبارك في صحتها
اقسم بالله كل اللي امي ودتله منه
قال عليه احسن من بتاع المطعم
ماشاء الله
لدرجة ان امي مشهوره في البيت بالفول
بيقولولها ممكن تعملي عربيه هيكون مشروع مربح
ندخل في الموضوع دا انتم رغييين موت
بقولكم اي واحده هتدخل
ومش هتقيم هكهربهاااا
وكملوا معايا عشان تعرفوا قصة ليه الفول ب60ج طبعا كلنا عارفين ان طبق الفول مش بيأكل طفل صغير وبجنيه وب2جنيه وليه مش نعمله في بيتنا ونضمن علي الاقل اننا بناكل لقمه نظيفه بالذات ان طريقته اسهل من كده مافيش
المقادير
1كيلو فول بلدي
اشتريته ب10ج وربع كيلو فول مدشش بتاع البصاره وحوالي 5او6 فصوص تووم ا ليمونه بقشرها قليل من الاتي ( كركم كمون بهارات فول من عند العطار او اي بهارات بتحبيها ) لو عيزاه احمر سنة بودرة دم غزال او لون فول من عند العطار وبسسسسسس خلاااص اظن مافيش اسهل من كده
والطريقه اسهل واسهل
بسم الله ماشاء الله
بنجيب الفول والفول المدشوش
وننقيه وننقعه من بليل للصبح
كل ما اتنقع اكتر كل ما ياخد وقت ااقل
ونجي الصبح زي الشطار
نغيرله المايه ونغسله حلو
ياحلو انت ياحلو
وبدين نحطه ع النار في فواله او اي حاله عاديه مالكمش حجه اهووو
ومعاه التوم والليمونه بقشرها التوم بيدي طعم تحففه وريحه تجنن
الليمونه بتحافظ علي لونه من السواد
وشوية الكركم والكمون والتوابل
واول ما يغلي نوطي النار شمعه
ونسيبه بقي مع نفسه علي ااقل من راحته
وكل ما المايه تنشف نزود مايه سخنه بتغلي
لازززم مايه سخنه
ولو عايزه تحطي لون حطي براحتك
ودوقي احلي طبق فول
ممكن تعمليه بكذا طريقه
انا من عشاق الفول بالطحينه وزيت الحار
والكسبره والكمون وشوية توابل حلوين
الفول بالطحينه حاجه خيال
وممكن تحطي معلقة صلصه او قرن فلفل معاه
تفنني انتي بقي عشان الروتييين
ورمضان داخل بدل ما تشتريه جربي اعمليه
بقوووول شعر يااخواتي وكل سنه وانتم طيبببن
كنت هنسي اكمل الصور واقول ليه الفول كلفني
60ج
تابعوووني حبيباتي ومش تنسو التقيم
هنكمل المشاركه الجايه
مواضيع هذا القسم برعاية
شروق وجدي شروق وجدي 437493_6.gif برنسيسة فتكات Fatakat 437493 دسوق كفر الشيخ – مصر