بسم الله الرحمن الرحيم
السلام عليكم ورحمه الله وبركاته
كل سنه وانتم طيبين وعيد سعيد علينا وعليكم
طبعا الموضوع باين من عنوانه الكابوس المزعج المؤلم المتعب اللي اسمه الدوالي وكلنا عارفين هو قد ايه بيضايقنا وبيشوه منظر رجلينا وطبعا الوجع اللي بيبقي معاها .
من مده كده كنت قاعده علي النت بدور علي علاج للدوالي وشوفت وصفه علي منتدي وصاحبتها بتشكر فيها اوي كتبتها وجريت علي ماما لانها ياعيني الدوالي مبهدله رجليها وتعباها خالص وتاني يوم جبنا الحاجه من العطار وبدأت تعملها ووالله يابنات بعد حوالي 10 ايام ماما بدأت تلاحظ النتيجه قالتلي الشعيرات البسيطه شويه بدأت تدخل لجوه وتختفي وحست بتحسن شويه وانا فرحت اوي لاني كنت حاسه انها مالهاش حل بس بفضل الله الشافي جابت نتيجه مع ماما وان شاء الله هتستمر عليها علطول ومش هتخسر حاجه والوصفه هي ببساطه:
تجيبي خردل من عند العطار هو عامل زي الخرز الصغير اوي وتطحنيه كويس لحد مايبقي باودر وبعد كده تجيبي طبق بلاستيك وتحطي فيه لتر ونص مايه تكون سخنه علي قد مارجلك تستحمل وتضيفي ليها معلقتين اكل كبار من الخردل وتنقعي رجليكي فيها لمده نص ساعه كل يوم وبعد كده ادهني زيت خردل مع زيت حبه البركه مع التدليك انا عارفه لنها هتاخد وقت طويل بس الواحد بيحاول وكله في الاول والاخر بأيد ربنا سبحانه وتعالي
يارب تستفيدوا منها ومش طالبه منكم غير انكم تدعوا لخطيبي ربنا يهون عليه غربته ويسترها معاه ويجمعنا ببعض علي خير
وكل سنه وانتم بألف خير وصحه
My Precious Star I Love U My Precious Star I Love U 182915_8.gif سوبر فتكات Fatakat 182915 ساكنه في اجمل بيت في الدنيا (قلب حبيبي وتؤام روحي) – في ارض الله الواسعه
سبحان الله و بحمده