سلام عليكم ورحمة الله
بقالي كتير مدوشتكوش بمواضيعي المفتكسة
وقبل كل شيء مواضيعي دي عن تجاربي انا انا انا عشان بس فيه ناس بدأت تقول اني بهري وبفتي وانا اصلا غرضي من الكتابة تذكرتي شخصيا بصراحة لاني بنسى بسرعة
المهم ندخل في موضوعنا وهو تقريبا تكملة لمواضيعكيف تقومي بطرد وسواس الشراهة المفاجئ
الموضوع انهاردا عن طرق عملية جدا بس محتاجة تدريب لتفكيرك زي فكرة البرمجة العقلية وكدا بس هي مش برمجة ولا حاجة فيه نظرية بتقول
"لكل فعل رد فعل مساوي له في المقدار مضاد له في الاتجاه"
احنا افعالنا دائما رد فعلها هي الاكل تمام؟ تمام ..نفرح ناكل نزعل ناكل نُحبط ناكل..
طيب احنا عايزين الفكر المضاد له في الاتجاه طيب ممكن يبقى ايه؟
احنا مهمتنا نركز على مقدار الالم اللي سببهولنا التخن زي ايه؟ زي ان التخن دا سببلك "تشوه" في جمالك..طب مااحنا كدا عايزين دايما نفتكر ايه هو جمالنا وايه معنى الجمال اساسا وصدقوني الواحد لما بيعرف الحقيقة مش بيرجع للغلط تاني ولو رجعله مش بيرجع زي الاول ابدااااااا
من اهم الحاجات اللي توقفك عن الاكل حاجات حلوة اوي
1- كل يوم سيادتك تدخلي النت وتتعمدي تتفرجي على لانجيريهات ولبس وبنات حلوة كدا ونغشة بس كله فيما يرضي الله انا مبقولش تتفرجو على صور عارية لاء ابدا بس لما تلتهمي الطبق وتفتكري الصورة صدقيني هتتوقفي شوية وهتحسي ان اللقمة مش راضية تتمضغ
2- وانتي قبل ماتاكلي وخلاص مقررة انك هتلتهمي السفرة افتكري حد تخين ولو مش لاقية حد تخين شوفي صور تخان بردو وتخيليهم وهما بياكلو شوفي انتي من نفسك هتصعب عليكي وهتحسي ان فيه خطأ ولا لاء
3- انتي لما بتكون نفسك في اكلة بتحسي انك الاكلة دي هي خلاصك وانك بعديها خلاااااااااص هتبداي الحياة السليمة وحاسة ان حياتك متوقفة على متعة اكلة معينة ,,الهي نفسك باكلة تانية ..يعني ايه؟ يعني لو افتكرنا مثلا انك بتحبي الشوكلاتة اكيد بتحبي الجاتوة واكيد بتحبي البسبوسة عايزاكي تفكري في كل واحدة منهم على حده ساعتها بس هتحسي انك تايهة وهتحسي انك اسيرة للاكل وهتدايقي وتقولي ايه التوهة اللي انا فيها دي اللي عمري ماهطلع منها
انا مش هطول عليكو بس ياريت تدعووووولي اكمل على خير وخصوصا بقى العيد جي والنفس امارة بالسوء
sam_smile sam_smile 580810_1.gif فتكات ست الكل Fatakat 580810 المحلة – مصر