عارفين السلطة المشوية دي مش بس اكلة دي تاااااااااااااااااريخ
في تونس من اعرق انواع السلطات السلطة التونسية
سلطة لذيذة جدا و رائعة انا شخصيا بعشقهااااااااا
بصو الجمال يا ناس
هيا بتاخد شوية وقت بس النتيجة تستاهل بصراحة
المكونات (انا بعمل كمية و بخزن منها
ممكن تعملو نص او ربع المقادير)
كيلو و نص فلفل اخضر
(نفس الفلفل اللي في الصورة مينفعش نوع تاني)
كيلو الا ربع طماطم
نص كيلو باذنجان
ثوم راس و نص
2 بصلة متوسطة الحجم
فيه ناس بتشويها من غير بتنجان
لكن انا بحب اللي بالباذنجان اكتر
التتبيلة
نصف كوب زيت زيتون
تابل و كروية (خلطة بهارات تونسية يمكن
تعويضها بالكزبرة و الكراوية المطحونين ناعم)
ملح
نعناع ناشف نسيت اصورو
للتزيين
بيض مسلوق
تونة (لم استعملها)
كابري(كبار يشبه الخردل نوع من المخللات )
زيتون
في تونس السلطة التونسية نشويها في الكانون
على الفحم
لكن انا ساكنة في عمارة مينفعش اولع فحم للاسف
لكن لذة السلطة مشوية عالفحم
انا بشويها في صاج على الغاز او في الفرن
و عشان الكمية كبيرة شوية و توفيرا
للوقت شوية نص على الصاج على الغاز
و نص في الفرن
الطريقة
نشوي الفلفل حتى تسود قشرته
نقلبه و لما نشيله نحطه في كيس بلاستيك
عشان يسهل علينا تقشيره
البصل و الثوم لو هتشوو في الفرن
حطوهم في ورق المنيوم و دخلوه الفرن
نشوي الطماطم و الباذنجان
و كل اللي نخلصه يتحط في اكياس بلاستيك
خلصت كل الكمية و سيبتها تبرد
و قشرتهم
انا بحب اهرسهم بالهون و ممكن تفرميهم
بفرامة الثوم اليدوية
او تقطعوهم بالسكينة قطع صغيرة
ثم نضع الملح و البهارات و النعناع و الزيت
و نزينها حسب الرغبة
زينتها بالبيض المسلوق و الزيتون شرائح
و الكبار و في النص قرن فلفل مخلل صغير
ان شاء الله تكون الطريقة عجبتكم
و تجربوها
متنسوش التقييم
مواضيع هذا القسم برعاية
sousou katousa sousou katousa 781466_4.gif فتكات ست الكل Fatakat 781466 فيصل – مصر