السلام عليكم يا بنات
البنات اللى شافوا موضوعاتي عن الاجهزة قبل كدة …بما انى ديما بجبلكم الحصريات والعجائب والغرائب
كنت قلتكلم عن احسن الماركات ف السوق المصري .. زي الال جي سامسونج شارب سوني كيينوود براون ..
فانا قريييت عن كذا ماركة مكنتش منتشرة قوى وقت ما عملت موضوعي عن الاجهزة
زي الدايو وهى كوري 100%
https://files2.fatakat.com/2015/2/13925028298212.jpg
ومنها تلاجات وغسالات وديب فريزر ومكيروويف باسعار حلوووة جداااااا
ويعتبر دايو من افضل الميكروويف وسعره ممتاز
https://files2.fatakat.com/2015/2/13925028882615.jpg
وماركة اسمها بيكو اكيد سمعتوا عنها .. هى المانى تقفيل تركي ..
https://files2.fatakat.com/2015/2/13925029224993.jpg
وكل اللى جربها بيشكر فيها وفيه منها بتوجازات وغسالات اطباق وملابس وتلاجات وديب فريزر
والعجيب ان اسعارها حلوووووووووووووة قووي يعنى البتوجاز ف حدود 3000 التلاجة نفس الحكاية واكبر من ال جي نفس القدم ..
انا كنت هجيب الاي كوك بس لقيت شكاويه بالهبل فقلت خلاص اجيب كريازى الكنج ..
بصيت لقيت قدامى ماركة بيكو ف البتوجاز وبيشكروا فيها جداااااا
https://files2.fatakat.com/2015/2/13925030927384.jpg
انا كنت ناوية على ال جي ف اغلب الحاجات زي غسالة الاطباق والتلاجة والهدوم وفعلا كنت خلاص لو ايه حصل مش هفكر غير ف الال جي
بس بجد البنات الله يسامحهم زغللوا عينى على بيكو دى خاصة انها تعتبر ارخص من ال جي واكبر منها وماركة نضيفة وصناعة محترمة ..
حبيت اقلكم فكروا فيها ماركات تستحق التفكير بجد…. وخاصة بيكو ف البتوجاز بيشكروا فيها جداا… ودايو ف الميكروويف
وانا برضة لسة مستقرتش على حاجة معينة.. وهفكر فيها مع الال جي ان شاء الله لما اروح اشترى واكمل ابحاث كمان ابقى اقرر بالزبط
المهم بقى ابوووس ضوافركوا انا بقلكم بناءا على ابحاثي وقرايتى انا ..
مفيش بنت تجيب كدة وتطلع مش حلوة لا قدر الله وتيجى تقلى جبت ز ما قلتى… لا يا قطة انا مليش دعوة
انا بقلكم الماركات الكويسة اللى الناس بتشكر فيها عشان تحطوها ف اعتباركم …وانتوا دوروا بنفسكم وقرروا بنفسكم ..
وبث كدهووون
ترانيم المطر ترانيم المطر 120978_10.gif فتكات ست الكل Fatakat 120978 المنصورة – مصر