مملحــات بأشكــال وحشوات مختلفـة بالصـــور
المقادير:
بيضه1/2 كوب لبن دافىء1/2 كوب زيت1/2 كوب ماء دافىءملعقة كبيرة خميرة فورية وملعقة بكينج بودرنصف ملعقة ملح + نصف ملعقة سكرالدقيق حسب الخليط ( ممكن 3 كوبايات مليانين)
سمسم( حسب الرغبة)
ملعقة فانيليا
الطريقه:عجينة البيتزا عادى خالص ال احنا بنعملها
1- ننخل الدقيق ونضيف المكونات الجافة(الملح – السكر – الفانيليا – البكينج بودر – السمسم – الخميرة الفورية)
2-وبعدين نخلطهم ونعمل حفرة فى نصف الدقيق ونضيف البيضة وبعدين اللبن وبعدين الزيت والمياه ونقلب كويس ونعجن ونشوف العجينة لو احتاجت سوايل نضيف مياه وزيت ولو لقيتوها طرت أوى ضيفوا شوية دقيق – المهم تخللو العجينة كويسة( هتسألونى نعرف ازاى انها كويسة ؟ أقولكو ياقمرات … فى الأول هتكون ايدينا لازق فيها الدقيق لما نعجن ونلاقى معدش فى ايدينا دقيق وكمان الوعاء ال احنا بنعجن فيه معدتش العجينة لازقة فيه … يبأى كده 100 فل وعشرة …نعرف انها تمام
3- هنغطى العجينة ونسيبها تخمر ساعتين أو ساعة لو العيال جاعوا واستعجلوكى
4- وبعد الساعتين شوفوا الأشكال دى واعملوها … وبالنسبة للحشوة اعملى أى حشوة تحبيها ( كبدة – لحمة معصجة – جبنة – همبورجر- فراخ …. أى حاجة وعلى فكرة أنا كترت زيتون والعيال محبهوش ..فياريت تخدى بالك من الكمية المطلوبة متكتريش )
وأسيبكم يا أحلى فتوكات مع الصور
5- الخطوة دى مهمة جدا…نجيب صفار بيضة ونخلط معاه ملعقة لبن كبيرة ورشة فانيليا وممكن نصف ملعقة قهوة عشان تضيع ريحة البيض ونخلطهم مع بعض وندهن وجه العجينة عشان تلمع ولونها بيكون جميل بعد الخبز ولو لسة باقى شوية سمسم رشيهم على الوجه هيلزق عشان البيض وهيكون جميل أوى برده
6- هقولكم أنا بخبزهم ازاى … بدهن صينية الفرن (فرن البوتاجاز) زيت وأرش دقيق خفيف وأحط المعجنات وأولع النار ال تحت هادية خالص وأقفل الفرن شوية لحد متستوى وتحمر من تحت وتتحرك من على الصينية … يعنى لما أحركها بالملعقة بالراحة بلقاها مش لازقة وكمان بشوفها حمرا بروح طافية الفرن من تحت ومولعة الشواية وأحطها تحت الشواية على نار هادية (أهدى حاجة) عشان تحمر وتستوى كمان كويس
وبعدين أسيبكم مع الصور وشوفوا شكلها بعد ما تخرج من الفرن
https://imageshack.us/g/820/67525759.jpg/
وده الرابط عليه الصور
وده شكلها النهائى .. شوفوا بتلمع وجميلة ازاى ولو كان على وجهها سمسم كانت تبأى روعة …
ودى أشكال كمان …
لسة خليكوا معايا هنزلكوا شوية أشكال كمان ……. مواضيع هذا القسم برعاية
رونا جوجو رونا جوجو 484491_8.gif فتكات ست الكل Fatakat 484491 بلاد الله – مصر