ازيكم يا بنات … انا قلت اكيد هتساعدونى فى مشكلتى عشان عارفه انكو جدعان اوووى
تثبيت بقى
انا بنت عندى 26سنه
ممكن لو فى دكتوره نفسيه او حد متخصص فى علم النفس او التنميه البشريه فى المدونة ممكن نتكلم شويه
انا تعبت اوى
وقريت عن الاعراض اللى عندى كتير على النت ولقيت ان اسمها الرهاب الاجتماعى
وصعب اروح لدكتوره حاليا وانا بيكون عندى بريزنتيشن كتير وبتحرج جداااااااااااااااااااا وقربت اتعقد
ممكن دكتوره نفسيه تقولى على علاج يكون مش بيتخن لانى للاسف مليانه وعايزه اخس
سمعت عن الزيروكسات ولكن قريت انه اعراضه الجانبيه بيتخن
وانا مش ناقصه تخن عندى ييجى 40 كيلو زياده وبتخن بسرعه جدااا
ولوخدت دوا بيتخن مشكله الرهاب هتتعقد عندى اكتر لانه للاسف سبب كبير من اسباب المشكله هى التخن واما بخس شويه الحاله بتتحسن شويه بس برضه بتفضل موجوده
وانا اكتر الاعراض اللى بتضايقنى هى انى اما هكون هتكلم فى وسط ناس قلبى يدق جاااااااااااااااااااامد وانفعل جداااااااااااااااو انسى كللللللللللللل الكلام احس ان الكلام راااح منى خالص واحس انى مش عارفه اتكلم والله بحس انى بحارب عشان انطق وممكن افضل ساكته دقايق مش عارفه انطق حرف والله بحس انه الكلام زى ما يكون اتحبس مش راضى يخرج دى اكتر حاجه بتحرجنى جدااااااا
نفسى فى حل للموضوع ده
والرهاب ماثر على فى كل حياااتى
نفسى اخد كورس لغات ومش باخد بسبب انى اخدت كورس لغه قبل كده واتحرجت جداااا فى المشاركه بسبب احتباس الكلام
ودلوقتى انا بحضر ماجستير وبيبقى عندنا عرض كتير وعايزه انجح فيه
وحياتى الشخصيه بردو متاثره للسبب ده معنديش صحاب خااالص غير قليليين اوى ومش بعرف اتعامل مع الناس وبيقولو على كتير مغروره ورخمه
نفسى فى حل ولو حل مؤقت اخده قبل اما يكون عندى عرض او بريزنتيشن
ساعدووونى وجزاكم الله خيرااا
ولو حد يعرف مكان دكتوره كويسه فى القاهره الكبرى ياريت يقولى بس لو فى دكتوره فى المدونة ممكن تساعدنى يارييييت لانه بجد صعب دلوقتى اروح لدكتوره ومحدش فى البيت يعرف حاجه عن الموضوع ده وانا عندى المشكله دى من وانا عندى 10 سنين كنت بتهته فى الكلام ومش بعرف اتكلم فى المدرسه كويس
fatoka_sokar fatoka_sokar فتكات حبوبة Fatakat 1091952 مصر – مصر