مساء الخير عليكم يااحلى امهات باذن الله انا عاوزة اخد رايكم فى موضوع انا متجوزة بقالى سنة وتلات شهور ومن بعدالجواز بدات الدورة تلغبط معاي يعنى تاخر كام يوم او اسبوع والاقيها جاية فى الاول سالت ماما وقالتلى عادى لانك لسه متجوزة جديد المهم كبرت دماغى وبعد الجواز بحوالى خمس شهور روحت للدكتورة علشان كان عندى التهابات جامدة وقالتلى وادتلى علاج لى ولزوجى المهم مشيت على العلاج حوالى 10 ايام وكان لبوس اميرزول وكريم وشريط كده فيه حبية واحدة لى ولزوجى وكمان فلاجيل اقراص ليه وله المهم راحت خالص الحمد لله وفى الشهر ده البيريود اتاخرت اوى اكتر من اسبوع فقلت عادى هتجيلى وما حطتش الموضوع فى دماغى وبعد 10 ايام من تاخيرها لقيت اخت زوجى بتقولى اعملى تحليل حمل ولقيتها تانى يوم الصبح جايبلى التحليل بس كنت ليلتها حاسة بوجع جامد اوووى فى ظهرى المهم عملت التحليل ولقيت شرطتين وما صدقتش نفسى بس كان لسه الوجع فى لقيته بتقولى ريحى نفسك المهم بالليل المغص زاد جدا وبدا الدم ينزل على وكتل كانو يومين مرار ربنا ما يوريهم لحد روحت للدكتورة تالت يوم وقالتلى كان حمل ضعيف وسقط واداتنى لبوس وحبوب كل يوم قرصين لمدة اسبوع لتنظيف الرحم وقالتلى تعالى اول لما البيريود تجيليك علشان اعملك تحاليل واكشف عليك بالسونار. وروحتلها تانى يوم البيريود وعملت التحاليل وكانت الصدمة قالتلى عندك تكييس مش جامد اووى المهم اديتنى سيدوفاج 500مرتين فى اليوم وكتبتلى على منشطات كلوميد من تانى يوم البيريود وابر تنشيط بس انا ساعتها خفت وما اخدتش التنشيط قلت زى ما سمعت من ناس كتير اما اكمل سنة زواج يمكن احمل تانى من غير ادوية وخصوصا انهم قالولى ان الاجهاض بيحصل وراه حمل على طول المهم مر حوالى4 شهور وماحصلش حمل فرجعت روحت لدكتورة تانية وطلبت تحاليل الزوج وطلعت سليمة الحمد لله وقالتلى على التحاليل وريتلها اللى كنت عملها وقالتلى برده فى نسبة تكييس مش كبيرة هنحتج تخدى سيدوفاج ونبدا تنشيط ومشيت فى مشوار التنشيط شهرين وما فيش حاجة والشهر التالت الدكتورة قالتلى نعمل اشعة بالصبغة ودى كان فى اخرشهر 12 اللى فات ونعمل تنشيط تانى لمدة شهرين والحمدلله عملت الاشعة بالصبغة وطلعت كويسة الحمد لله ومافيهاش حاجة وزودتلى جرعة التنشيط فى شهر 12 و1 وكان التبويض كويس جدا وربنا مااردش انه يحصل حمل الحمد لله على كل شئ فقررت الشهر ده ابطل تنشيط واسيبها على الله انتو ايه رايكم ؟وهل فى حد هنا كان عنده تكييس على المبايض وحملت من غير تنشيط ؟ ياريت تطمنونى وتقولولى لانى بجد تعبت من الدكاترة ومتابعة التبويض وشكشكة الابر كل شهر . ياارب يرزقنى انا وكل مشتاقة بالحمل السليم المعافى عاجلا غير اجلا اللهم امين يارب العالمين يا ارحم الراحمين
مرمر البريئة مرمر البريئة فتكات حبوبة Fatakat 845117 جدة – السعودية
سبحان الله و بحمده