السلام عليكم ورحمه الله وبركاته
فتوكاتي الحلوييييييين
ربنا يجعله في ميزان حسناتي يارب ويفيد البنات كلها
اولا كده تدعولي بالذريه الصالحه
اللي مش هتدعيلي … متنزلش تحت علشان انا زعلانه منها
ودلوقتي ندخل ف المهم
جيت لكم من تاني بوصفه انما ايه … بموت فيها واكيييييييييييييد فيكم ناس كتير اوي بتموت فيها زيي
من الفلوكلور المصري .. المصري جداااااااااااااااااااا
الممباااااااااااااااااااااااار .. اه والله الممبار اللي عمري ماعملته وانا في بيت السيد الوالد هههههههههههههه بس طقت في دماغي اعمله .. وده كلاكيت اول مره علي فكره …. يعني نحن نختلف عن الاخرين .. لانها متميزه ومن اول مره
عماله ارغي ارغي وانتو نفسكو تشوفو المرحوم … اه مانا نسيت اقولكم اتنسسسسسسسسسسسسف وبقي مرحوم هههههههههههه
والله جوزي مصدقش نفسه من كتر طعامته
ندخل ف المهم
انا عملت ممبار وشوربه فطر بالكريمه اللي عاوز طريقتها يبعتلي وانا هقوله عليها وعملت فراخ محمره برضو
ندخل علي التفاصيل بقي
ادي صوره عارفاكم مش هتصبروا للأخر بس يلا اطلعو قيموا الاول وادعولي وبعدين تعالو .. يلا ياعسل منك لها
ادي الممبار قبل مايتنضف .. شكله وحشششششششششش
هنقلبه تحت الحنفيه ونقطعه علي اد الاستخدام
الطول اللي انتي عاوزاه وبالسكينه وتقعدي تحتي فيه وتنضفيه
لغايه مايبقي قششششششششششششششششطه ..
نحطه بقي في خل وليمون وملح علشان زياده النضافه
وادي صورته بعد مابقي فل الفل
هندخل علي التسبيكه بقي
نحط سمنه بلدي وزيت دره .. وبصله مفرومه مع فصين توم مفرومين
لغايه ماياخدو اللون الدهبي الجمييييييييييل ده
نحط بقي الطماطم المعصوره المتصفيه ومعلقتين الصلصه لتعزيز اللون يافتوكاتي ونص الخضره المفرومه (( بقدونس وكسبره وشبت ))
ولما يتسبك .. ننزل بالبهارات .. عندك بقي شطه وفلفل اسود وملح وقرفه وقرنفل وجوزه الطيب وحبهان بودر وجنزبيل بودر وبصل وتوم بودر وروزماري
ونغسل الرز ونضيفه علي التسبيكه ومعاه بقيه الخضره المفرومه ونقلب ..
شوفو .. جوزي قاعد جنبي اهو بيقولي يتاكل ني ههههههههههههههه
هنبتدي نحشي بقي بايدينا طبعا
دي ايدي .. ناعمه وقويه وكلها حنيه هههههههههههههههههه
لاحظو بقي ان الممبار ميتحشاش للاخر ومتكبسيهوش .. يعني خليه مبطط زي مانتو شايفين … لييييييييييييييييه ؟؟ هقولك ليه ياللي قاعده بعيد انتي .. علشان ياحلوه الرز يتمدد ويستوي ميفرقعش ويبقي تعبك كله راااااااااااااح مع الريح ياعسل
وانا مش بربط الممبار .. انا بغلي الشوربه اللي هسويه فيها وهحط فيها نفس البهارات وبصلايه وفصين تون ومكعب مرقه دجاج
وهحط نفس البهارات يابنات
واسقطه فيها وانا ماسكاه من طرفينه كأني همرجحه ههههههههههههه
هيقوم يلم علطول ويقفل كده شايفين
بعد كده ههدي النار خالص خالص واسيبه يستوي براحته بقي
واطلعه ونتأكد انه استوي
معجنش ولا ناقصه سوا .
نحمره بقي في حته سمنه وشويه زيت دره …
وفي هذه المرحله الخطيييييييييييييييييره ..تاتاتاتاتاتاتاتا
الانبوبه خلصت
عااااااااااااااااااااااااا
وجيبت جوزي علي ملي وشه وملالي الانبوبه لاني كان ممكن يجرالي حاجه
شوفتو البهدله ههههههههههههههههههه
المهم حمرناه بحمد الله
وادي الطبق الجميييييييييييييل التحفه الشيك اللذيذ .. ياربي اقول ايه تاني
شوفو من جوه مفرفر ازاي مش معجن … عسل وربنا
بس وادي الفرخه المرحومه بعد ما استوت ودي شوربتها طبعا
شوفتو بقي بعد التحمير .. ولا الخياره اللي في النص … سيبكو انتو لازم ديكور بقي ههههههههههههه
وادي عيش الغراب اللي مجنني معاه … بموت فيه
وعملت احلي شوربه فطر بالكريمه
وادي السفره بتاعتنا .. اتفضلو معانا ياحلوين
بصو بقي
التقيييييييييم
ولن اتنازل
لاني تعبت في تصغير وتظبيط الصور وتعبت اوي في التصوير اثناء الطبخ اصلا وتعبت اكتر في التحميل .. يعني تقدروا تعبي بدل ما ازعل منكم يابنات ياحلوين
واشوفكم علي خير في طبخه جديده من
بنت المدينه مواضيع هذا القسم برعاية
بنت المدينه1111 بنت المدينه1111 379792_2.gif فتكات رائعة Fatakat 379792 المنطقه الشرقيه – المملكه العربيه السعوديه