بصوا بقا طبعا انا عارفة كويس احساس كل اللى متأخرين فى الحمل زى كده وازاى كلنا بنبقى محتارين كل شهر لما ميعاد البيريود بيقرب وبنبقى بنسأل نفسنا ياترى اللى عندنا اعراض حمل ولا للاسف البيريود حتيجى وانا من خلال ملاحظتى الدقيقة كل شهر وعلى مدار سنتين قدرت اخد بالى من ان فيه اعراض لما بتحصل بعرف ان البيريود خلاص فضلها يوم او اتنين بالكتير وحاتيجى وده لانى بيبتدى عندى وجع البيريود من بعد ايام التبويض بكام يوم وبيفضل يروح ويجى لحد ما بتحصل الاعراض اللى حقولكم عليها بعرف اننا خلاص بنلعب فى الوقت الضايع .. وطبعا انا محملتش قبل كده ولا مرة فا معرفش ياترى فعلا لو حصل حمل برضة ممكن الاعراض دى تحصل ولا لا . ممكن بقى اللى حملوا قبل كده يأكدولنا ان كانوا حسوا بعكس الاعراض دى ولا ممكن تكون جتلهم وطلعوا حوامل برضه
الاعراض :-
1 _ بعد ما يكون فيه احساس بالسخونة وكأن صهد جوايا تهدى السخونة او تقل ساعتها بعرف انها بالكتير على بكرة حتيجى
2 _ بعد ما يكون الصدر ممتلئ و بيوجع وجامد .. يهدى ويروح الامتلاء والوجع
3_ نغزات فى الهبل ( يعنى تحسى ان من تحت كده كأن فى نبض او تقلصات حاجة كده زى وجع جامد بيروح ويجى اكيد مش حقدر اوصف احساس )
4 _ دوخة و توهان وعدم تركيز وتشتت
5 _ وجع وتقل فى الرجل عند الفخد كده والركبة
6 _ بحس انى اعصابى مشدودة جامد ومش عارفة استرخى خالص ( مش يعنى متنرفزة لا اعصابى اعصابى )
7 _ اسمرارفى الوجه و تحسى انك دبلانة ووشك مصفر وعنيكى داخله جوه
8 _ بيبقى فيه وجع كده غريب واصل من بطنك من تحت لجنبك لضهرك من فوقه لتحته ( تحسى كده انهم قافشين )
9 _ احساس بنغزات فى الجنب اليمين او الشمال ( يعنى كل شهر جنب )
10 _ارق جامد
ملاحظات
* طبعا اعراض البيريود اصلا بتختلف من واحدة لواحدة والاعراض دى من واقع تجربتى الشخصية و مش شرط انها تكون بتحصل لكل الناس
* انا بحس بأغلب الاعراض اللى بيقولوا عليها اعراض الحمل زى كل البنات بس بيبقى من قبل ميعاد البيريود ب7 او10 ايام .. لاكن الاعراض دى بحس بيها لما تكون خلاص حتيجى يعنى قبلها بيومين تلاتة مش اكتر
* طبعا الاعراض دى بتختلف من شهر لشهر فى حدتها
خاتمة : _
يااااااااااااااااارب اكرمنى انا وكل اخواتى المتأخرات فى الحمل عن قريب اوى بالحمل السليم المعافى يا قادر ياكريم … ياااااارب ارزقنا من حيث لا نحتسب وعوض صبرنا خير يااااااااااااااااارب
blandos blandos 469766_5.gif فتكات هايلة Fatakat 469766 القاهرة – مصر