السلام عليكم ورحمة الله فتوكاتى الحلوين كل سنة وانتو طيبين بمناسبة 6 أكتوبر انهاردة كان يوم جامد جدا بالنسبالى
انا قولت لخطيبى بقا انا عايزة اتفسح يا واد يا حودة
واروح البانوراما قالى ماشى يا حببتى اوديكى وروحنا بقا اخر النهار وكان فى فتوكة حلوة كانت كتبة المواعيد بتعتهم قولت نروح بقا فى الطراوى ووصلنا هناك الساعة 5 وقال اية انهاردة يوم استسنائى واخر حفلة كانت الساعة 5 وفضلنا وقفين ومارديوش يدخلونا خالص ونتحايل على العميدولا العقيد ونغنيلو تسلم الأيادى شعب مسخرة وربنا ..وفى الأخر الراجل عمل اتصالاتة ورجعلنا بخيبة الأمل راكبة جمل
قولنا خلاص بقا نروح الأتحادية بقا منا كان لازم اتفسح روحنا بقا روكسى النهاردة كان ليها طعم تانى وكان طبعا فى حفلة والناس بقا كانت بتعمل كدة
قعدنا شوية وظقتطنا وهيصنا واحنا مروحين قلتلو تعالى ندخل بى تك نتفرج لو عجبنى حاجة وكنت بصراحة عايزة اجيب المكنسة
لقيت بقا مكنسة عسل كدة وصغنونة جدا اصل انا عاشة للحاجات الصغيرة لونها دهبى وهى 2024 وات وسعرها 735
جنية قولت اقول لأخواتى حبيبى علشان اللى بتجهز واللى مابتجهزش تجهز بقا لحسن الحاجات نار والفلوس قلت فى البلد
وأخيرا ادعولى دعوة حلوة بالله عليكو إن ربنا يهدى الحاج اللى هو بابا عليه لحسن فلوس الجهاز مخلية بيعمل معايا كدة كل اما اشترى حاجة معرفش العين بتيجى فية ولا اية ادعولى بتيسير امورى انا وخطيبى بقا لحسن الواحد زهق من المشاكل ودة شكل المكنسة يا رب تعجبكو
ومع السلام عليكو
sila hosny sila hosny 601683_5.gif فتكات هايلة Fatakat 601683 القاهرة – مصر