السلام عليكم فتوكات
كيفكم شو اخباركم ع فكره انا مصريه بس بقالى سنتين فى دوله عربيه علشان كدا كلامى كدا شويه خليجى وشويه مصرى المهم
النهارده كنت محتاره اعمل اكل ايه طبعا دى حيرة كل يوم
بس لقيت عندى كيس مكرونه اسباجتى وكوستين وقرن فلفل رومى اخضر وواحد اصفر وجزر وحتة لحمه متعصجه وطمتمتين وبصلايه حلوه كدا
قولت لما الم الشمل واجمعهم مع بعض واشوف هيطلع ايه فى الاخر
المهم سلقت المكرونه برشة ملح ومعلقة زيت وجبت الخضروات وغسلتها كويس
وجبت الكوسه وقطعتها سلايس رفيعه والجزر قطعته زى الكوسه والفلفل والبصل والطماطم قطعتهم طرنشات واللحمه عندى متعصجه جاهزه
قمت جايبه طاسه كبيره وحطيت شويت زيت زيتون ونزلت بالبصل والكوسه والجزر وشوحتهم لانهم بياخدوا سوى كتير وبعد كدا حطيت الفلفل وبعد ما اتشوح معاهم حطبت الللحمه وبعدين الطماطم وعليهم رشة ملح بسيطه وفلفل اسود ورشة شطه اختيارى واهم شيئ الزعتر رشة زعتر وشموا احلى ريحه واو الريحه تحفه والطعم رهيب
وبعدين نجيب طاسه ونشوح المكرونه فيها بشوية زيت زيتون ورشة زعتر وفلفل اسود ومتحطيش ملح لانك مملحه المكرونه فى السليق طبعا ريحة المكرونه بالزعتر حكايه
هاتى طبق واغرفى المكرونه وحطى فوقها الخضار وبالف هنا 
والله طعمها خطير 
مواضيع هذا القسم برعاية
بحبك ربى* بحبك ربى* 1020397_1.gif فتكات متميزة Fatakat 1020397 مصر – مصر