بسم الله الرحمن الرحيم
كل سنه وانتم طيبين يافتوكاتي ياحبايب قلبي
وحشتوني كتير وبقالي زمان مشاركتش معاكم ف المدونة الجميل ده
بما اني كنت صايمه النهارده وفوجئت ان هفطر لوحدي
قولت لازم ادلع نفسي ع الفطار بقى
هتعملي اي يابت يافتوكه هتخترعي اي
بس وجدتوها
ورحت جايه جايبه شويه الحاجات دي
((كيس مكرونه نص كيلو…قطعه فراخ بانيه من صدر الفرخه…4 قطع برجر… شريحتين لانشون… جبنه موتزاريلا… 3طماطمات… فلفلايه… 2فص ثوم…بصلايه… و4معالق زيت… وملح وفلفل اسود))
وشمرت ايدي وقولت بسم الله الرحمن الرحيم استعداد ابتدي………………………
اول حاجه جبت حله وحطيت الزيت وقطعت البصلايه وحطتها ف الزيت ع النار
وبعد ما اصفرت ودبلت شويه كده
فرمت قطعه البانيه مع فصين الثوم وحطتهم ع البصل
بعد ما البانيه اتشوح مع اليصل وفرمت الطماطم ف الكبه مش الخلاط علشان تكون خشنه مش عصير ناعم
حطيتها عليها مع رشه ملح وفلفل اسود وسبتها تتسبك
وبعد ما اتسبكت طفيت النار وقطعت عليها اللانشون
وبعد ما سلقت المكرونه عادي خالص زي اي مكرونه
قطعت الفلفل وحطيت شويه جبنه موتزاريلا ورشه فلفل اسود وملح لو لسه محتاجه وقلبت كل ده على بعضه
وحطيت نص المقدار ف الصينيه
ورصيت البرجر عليها وحطيت نص المقدار التاني
ملحوظه البرجر ني مش مستوي
ورشيت ف الاخر شويه موتزاريلا
وحطتها ف الفرن من ربع ساعه ل ثلث ساعه
وحمرت وشها وطلعت وااااااااااااااااااووووو ريحتها وشكلهل تحفه
يس للاسف نسيت اصورها قبل ما اكل منها
اسيبكم بقى مع الصور
.
.
.
.
.
.
.
.
.
.
######
######
######
######
######
######
######
اوعو تقولي عليا مفجوعه واكلت كل ده لوحدي
بيني وبينكم لما لقيت الموضوع كبر مني
واخاف اكل لوحدي يجرالي حاجه ومحدش يحس بيا
قومت اخدت الصينيه و روحت فطرت مع مرات اخويا
وقولت ربنا يستر ويعديها ع خير
بس بجد كانت تحفه ريحه وشكل وطعم
وعجبت مرات اخويا واولادها اووووي
وربنا ميحرمنيش منكم يا فتوكات
ف رعايه الله ياقمرات
بس متنسوش التقيم ده لو عجبتكم طبعا مواضيع هذا القسم برعاية
عيوون االمها عيوون االمها فتكات هايلة Fatakat 179909 محافظه المنوفيه – مصر