بصوا دى اول مشاركة لية بس حبيت اول مشاركة تكون انى اضيف وصفة اكل والوصفة بتاعتى ايه تجنن بصوا يا فتوكات يا قمر انا جربت انى اعمل المكرونة بالبشاميل بطريقة جديدة ازااااااااااى تعالوا وراية….اولا الوصفة دى بتخلى البشاميل يكون خفيف ومش دسم خالص وبيطلع تحفة والله عن تجربة بصوا احنا كلنا بنعمل البشاميل بالسمنة انا بقى المرة دى عملته بزيت زتون ازاى عادى جدا نفس المقدار بتاع السمنة بدالوا هيبقى زيت زتون ندخل بقى على الوصفة يلا بسم الله اولا هنعمل البشاميل على البارد يعنى نجيب اللبن ونحطه على النار يغلى ونكون محضرين كوباية نحط فيها حوالى 3 ملاعق دقيق وممكن ادهم او اقل او اكتر زيت زتون حسب ما الدقيق يحتاج بمعنى انه يكون الدقيق سايل وهو فى الزيت واثناء ما اللبن يغلى طبعا تكونوا حطيتوا شوية ميه بشوية زيت زتون على النار واول ما الميه تغلى تحطى المكرونة القلم فى الحلة عشان المكرونة تتسلق وتحطى شوية ملح بسيط وتسيبها تتسلق حوالى عشر دقايق وبعدين تصفيها وتركنيها لحد ما تعملى البشاميل نرجع للبشاميل بعد ما اللبن يغلى وتطفى عليه تنزلى بالدقيق السايل اللى احنا عملناه على اللبن وهو سخن وتفضلى تقلبى كويس لحد ما يتخن معاكى ولو احتاج دقيق تانى حطى بس طبعا لازم تدوبيه الاول فى شوية زيت عشان ميكلكعش فى اللبن ولو اللبن برد وانتى بتقلبى ايدى البوتاجاز على اللبن تانى عشان يديكى السمك اللى انتى عايزاه وبعدين هاتى بيضة واضربيها بشوية فلفل وحطيها على البشاميل اللى عملتيه وقلبى بسرعة وكويس وبعد كده ضيفى شوية ملح صغيرين للبشاميل نبتدى بقى نحضر عشان نسوى المكرونة بالبشاميل حضراتكم طبعا تكونوا معصجين اللحمة وتضيفوها مع المكرونة وتقلبوها كويس معاها وتحطوا شوية بشاميل على اللحمة بالمكرونة وتقلبوا كويس جدا تحطوا الخليط ده فى بيركس او صينية اللى يريحكوا وبعدين تضيفوا بقية البشاميل للمكرونة وزى ما اتفقنا لازم يكون سميك نوعا ما عشان ما يتسربش من بين المكرونة جينا بقى لاهم خطوة وده الجديد فى المكرونة بالبشاميل بدل ما تحطى بيضة على الوش بصى يا ستى فى جبنة شيدر اسمها شيدر مستوردة الربع كيلو بغشرة جنيه انتى محتاجة لصينية مكرونة تكون نص كيلو انتى محتاجة لكل نص كيلو مكرونة تمن كيلو جبنة شيدر ابشرى الجبنة وحطيها على وش الصينية ودخليها الفرن وطلعيها وادعيلى والله تحححححححفة بجد .معلش طولت عليكم بس حبيت اديكم الوصفة بحزافيرها وبالهنا والشفا مواضيع هذا القسم برعاية
بطة ايهاب بطة ايهاب 410623_1.gif فتكات متميزة Fatakat 410623 الهرم ان شاء الله – مصر
سبحان الله و بحمده