بسم الله الرحمن الرحيم
المكونات :
بتنجان ،لحم أو دجاج ، حمص مسلوق ،رز قصيرمنقوع ومصفى ،٣ سنان تومة ،قرن فلفل ،بندورة ،ملح وفلفل ،
كركم ،بهارات .
الطريقة :
يسلق اللحم أو الدجاج كالعادة بالمطيبات وبصلة كاملة ثم يصفى المرق ويوضع جانبآ .
يقشرويقطع البتنجان حلقات متوسطة السماكة ويقلى ، أنا لفوائد القشر ما بقشره ( القشرة غنية بالألياف والفيتامينات ) إنّمابغسله وبقطعه ولتقليل الدسم ما بقلي البتنجان لكن برش عليه زيت وبشويه بالفرن وهيك بتطلع الأكلة أخف .
بشوح الفلفل والثوم بزيت قلي ويرفع ثم تشوح شرحات البندورة (متوسطة السماكة )
في قاع طنجرة الطبخ بنرش رشة خفيفة رز لمنع إلتصاق البتنجان ثم طبقة بتنجان ثم الدجاج وبقية المكونات وأخيرآ الرز ،تضاف التوابل و مرقة الدجاج أو اللحم ويترك حتى يستوي الرز كإنك بتطبخي رزعادي ،بالأول بتعلّي النار حتى تغلي وبعدين وطّي النار واتركيه يستوي على نار هادية ،أنا حتى فرني كله عالكهرباء فبتضلها عين الغازسخنة فبطفي النار بعدغليان المرقة وتهديتها شوي وبخلّيه على أثرها يستوي
بعدما تستوي المقلوبة تترك شوي تهدى قبل قلبها حتى تتماسك شوي وتنزل على أد الإمكان قالب بس ولا يهمكم يا فتوكات مرّات بكون مستعجلة بقلبها بسرعة وما بتكون متل القالب المهم الطعم راااااااااائع
تقلب في صينية كبيرة وتزين باللوز أو الكاجو والبقدونس ويقدم بجانبه لبن زبادي أو سلطة .
جربوها يا فتوكات وصحة وعافية على ألبكم
مواضيع هذا القسم برعاية
Om Eleyal Om Eleyal 104774_6.gif فتكات هايلة Fatakat 104774 Hannover – Germany