حبيبى فتوكات كلنا بنشيل هم الاكل والعزايم والتحضيرللافطار والسحور فى رمضان ونضيع الوقت فى الاكل وننسى الهدف الاساسى من هذا الشهر الذى اهدانا الله مره فى السنه لازم نستغل كل لحظه فى رمضان
هنحضر كل حاجه علشان منندمش على الوقت اللى ضاع مننا
اولآ هنجهز الاساسى اللى مفيش اكله متستغناش عنهم
1- الثوم قشريه بكميه تكفى الشهر كله ويتكيس ويتشال فى الثلاجه مش الفريزر.
2-البصل افرميه او خرطيه وشوحيها بالزيت منغير متغير لونها واطفى ولما تبرد فضيها فى برام او علب ثلاجه وغطيها كويس.
3-البطاطس قشريها وقطعيها زى متحبى شبس او صوابع واشطفيها واغلى ميه معها حبة ملح ونزلى فيها البطاطس لمدة7دقائق وتصفى وتترك تبرد وتكيس كل كيس على اد مره تحمير.
4-الطماطم تضرب فى الخلاط وتصفى على حسب الرغبه وتوضع على النار تغلى شويه مش تتسبك علشان لسه هتكمل سواها مع باقى الخضار.
5-الملوخيه الطازه الجميله خرطيه عادى زى ممتعوده وبعدين دقى كام فص ثوم بالكزبرالنشفه وزرة ملح وشويه شوربه على حسب الكميه وتعجن بيهم الملوخيه تكون شكل عجينه الحنه كده ثقيله متخفهاش بالشوربه وتكيس كل كيس مقدار اكله.
6-كل انواع الخضار تقطع وتوضع فى ماء مغلى لمده من 5الى10دقائق وتصفى وتترك لتبرد وتكيس وتوضع فى الفريزر.
ثانيآ المكسرات
1-البندق المتقشر يحمر فى طاسه بدون مواد دهنيه لحد مالقشره البنيه الخفيفه تنفصل عن البندق مع التقليب المستمروبعد كده حطيه فى قماشه نظيف واقفلى عليه وافركيه جامد لحد كل البندق ميتقشر وبعدين تاخذى كل وحده تقسميها ويوضع فى صينيه وتوضع فى الفرن 4دقائق يحمر لونه فقط.
2-اللوزيوضع فى ماء ساخن لمده 7دقائق مع التقليب ويصفى وينزع القشر ويقطع انصاف ويدخل الفرن.
3-عين الجمل او الجوز مثل البندق.
4-الصنيبر يحمر فقط بدون مواد دهنيه.
ممكن تحطى كل المكسرات مع بعض فى برطمان بعد ميبرد ويتشال فى الثلاجه وكده يفضل معاكى السنه كلها
ثالثآ التمر والياميش
طبعآ على حسب استخدامك للكميه
1-التمر يقطع انصاف ويكيس ويضع فى الثلاجه من تحت
2-المشمش والقرصيه والتين المجفف ينصفو جميعآويتكيسو وحطيهم فى الثلاجه
3-حضرى كيس فى سودانى مقشر جاهز معاه زبيب زجوزهند وملعقه قرفه للقطايف
4-هاتى عجوه ونظفبها من النوى وافرميه وشليه فى كيس لحشو القطايف والكنافه
رابعآ العصائر
لو مخزنه فاكه بيكون حلو اوى طب مفيش ؟
1- هاتى كركاديه وانقعيه حلو وصفي وعبيها فى زجاجات بلاستك وشليها فى الفريزر
وقبل الاستخدام بسعتين طلعيها لتفك وتحطى على قد الحاجه فى شفشق ويخفف بالماء ويحلى
2-التمرهندى وقمرالدين والعرقسوس بنفس الطريقه
3-ممكن تغلى لبن وتنزعى وشه كويس بعد التبريد وتخزينيه فى الفريزر تعملى بيه سوبيا
وكل رمضان وانتو بصحه
ارجو التقييم علشان تعبت اوى وانا بحضر الموضوع ده
بحبكو فى الله
ام العريف الاصلى واللى ميعرفنى اكنه ولا شفنى
مواضيع هذا القسم برعاية
♥حواء من ضلع اعوج♥ ♥حواء من ضلع اعوج♥ 509209_2.gif ممنوعة من المشاركة Fatakat 509209 فى حضن دافى – مصر
سبحان الله و بحمده