السلام عليكم ورحمة الله وبركاته
أولا ربنا يرزق كل مشتاقه يارب عاجل غير أجل بالذريه الصالحه بإذن الله
وييسر لكل حامل حملها وولادتها أمين
بالنسبه لموضوعنا بقى
أنا كان بيجينى ألم ريب بعد الجماع وأنا حامل حاليا فى اول الشهر الخامس
الوجع ده يابنات كان بيقى طلق أيوه وجع طلق
خبط من تحت وتقل من كل الجهات
وده طبعا لإنى ولدت قبل كدا وحافظه الوجع بتاع الطلق
المهم الوجع ده لاكان بيقى مع الجماع ولا بعده مباشرة بالعكس
كان بيبقى بعد حوالى تلت ساعه او نص ساعه لما بقوم اخد دش
وده اللى قلقنى جدا فسألت الدكتوره إمبارح عن السبب
وكان ردها إن من الخطوره على أى حامل إنها تنام فى السرير بعد الجماع
بل المفروض تقوم بالراحه كدا تتشطف كويس وبعدين ترجع ترتاح براحتها وتخلى الدش لبعدين علشان البرد
وده لإن السائل المنوى بيبقى فيه ماده بتساعد على عملية إنقباض وإلإنبساط الرحم
اللى هو الطلق يابنات
يعنى الكلام ده ممنوع فى شهور الحمل خصوصا الأولى
وفى التاسع براحتكم بقى
أنا قلت أكيد فى ناس عندهم المشكله دى
فقلت أطرحها بسببها عليكم لعل وعسى تكون سبب فى إنقاذ أم وطفلها من الإجهاض لا قدر الله
وأرجو من الإداره تثبيت الموضوع لأهميته
ودعائكم بتيسير الحال والحمل والولاده والهدايه والثبات
والله المستعان
دوده حبيبى دوده حبيبى 431574_20.gif سوبر فتكات Fatakat 431574 سوهاج – مصر