وكل سنة وانتو بالف خير وربنا يجعل ايامنا كلها اعياد يارب
اللمهم ياقمرات فتكات انا جبت موضوع لستات البيوت اللى بيتغشو زى فى البهارات
وعاوزة اقول لكل ست بيت بجد بتشترى البهارات الناعمة المطحونة دى هى للاسف
بتتغش عند العطاريين معدومين الضمير ربنا يجازيهم بقى يعنى مثلا :
الكمون : بيتغش بالحنة الحمرا بتبقى التلت والتلتين ياعنى تلت كمون والتلتين حنة حمرا
وأفضل انواع الكمون تجيبيها هو الكمون البلدى هو بيبقى حبايتة صغيرة شوية
بس هوة دة النوع الكويس حاتية انتى حمصية على البتوجاز وافرمية فى البيت افضل واحسن طبعا ليكى وأسوء أنواع الكمون السورى مع ان حبايتة بتكون كبيرة ونضيفة
تانى حاجة الفلفل الاسود : بيتغش للاسف بحاجة اسمها الحجر الاسود ودة بيستخدموة
فى الحنة الهندى والبغداداى السودا ودة للاسف حجر سام وبيسبب سرطانات وتقرحات
وتقيحات بالجلد وفشل كلوى عفانا الله
مش تشترية مطحون ابدا من عند العطار بردو اشترية حب واطحنية انتى فى بيتك
ولو جبتية مطحون ولقتي لونة اسود قوى اعرفى انة مخلوط مش تشترية لاان الفلفل
الكويس لونة بيكون مائل للرمادى شوية ولو حتشترية حب اكسرى حباية وشوفى قلبها
لو ابيض يبقى نوع كويس لكن لو اسود مش تجيبية وافضل انواعة هو الفلفل السنغافورى والهندى وأسوءة الباكستانى والايرانى
الزعفران :طبعا بتسمعو عنة وعارفينة كويس بالزات الاخوات الخليجيات عارفينة كويس
لاانة متوفر عندهم بالخليج اكتر من مصر وهو لالااسف غالى التمن شوية لانة مكلف جدا فى الزراعة ..
الزعفران بيوجد على شكل خيط رفيع جدا فى قلب الزهرة ولالااسف العطاريين الغشاشين
تخيلو بيغشوة باية عارفين شواشى الدرة اللى بنكلة مشوى دة بياخدوة بيصبغوة وبيبعوة
ماعلينا الزعفران الكويس تعرفية من لونة هتلاقية أحمر غامق او نبيتى واجود انواعة
هو الايرانى عشان هى البلد الوحيدة اللى بتقوم بزراعتة ولة فوايد كتير غير الطبخ
هو مفيد جدا لطرد الديدان من المعدة وممكن تشربية مغلى مع قشر الرمان لعلاج
الدوزنتاريه الاميبية من المعدة
الكزبرة : للاسف بتتغش بنشارة الخشب عشان كدة اشتريها صحيحة وافرميها فى البيت
او المطحونة بس خشنة شوية عشان المغشوشة هتلاقيها ناعمة قوى عشان النشارة
مش تبان فيها
المستكة : وهى تركى ومصرى ومغربى طبعا التركى هو انضف نوع وهى دى بتاع الاكل
هتلاقى لونها اصفر شوية
بس انا كدة خلصت الموضوع ويارب تكونو استفدتو بية ومش تتغشو من العطارين تانى
وكل سنة وانتو طيبين ياقمرات وماتنسونيش من التقييم
اورجانزاا اورجانزاا 814368_4.gif فتكات هايلة Fatakat 814368 المنصورة – مصر