حبايب قلبى رشيقات المستقبل أنا نويت أعمل ريجيم بجد مش يومين وازهق زى كل مرة
وبإذن الله حاسة أن ربنا هايوفقنى المرة دى
ونفسى اللى ينضم ليا هما اللى فى الغربة زى أسم الجروب ومش قصدى غربة السفر بس
لكن الغربة اللى نتجت عن أجسامنا الكبيرة وأنطوائنا على أنفسنا
يعنى الغريبة فى بيت أهلها عشان دايما بينتقدوا شكلها وجسمها ودايما يقولوا مش هاتتجوزى
والغريبة فى بيت جوزها ومش قادرة تولع النور وهى مع جوزها عشان مكسوفة من شكل جسمها
والغريبة بين أصحابها عشان بيجروا ويضحكوا ويشتروا ملابس تناسبهم وكل ما يخرجوا
تتحجج بأنها مشغولة عشان ماتتسوقش معاهم عشان طبعا مش هاتعرف تشترى موديلات زيهم
والغريبة مع أولادها ومش قادرة تلاعبهم من كاتمة النفس واللحم المتراكم عندها
وطبعا قبل الكل غرباء البلد اللى زيى مسافرين وبعيد عن أهلهم
بصوا بقى يا بنات اللى هاينضم معايا يكون قد الريجيم بمعنى
1_لازم كل يوم تدخلى تقوليلى يومياتك إية وإذا مادخلتيش هأزعل منك أوى
2_الريجيم شىء مقدس لازم نلتزم بية واللخبطة ممنوووووووووووووووووع
3_الرياضة بنفس أهمية الريجيم وهاأنزل لكم لينكات التمارين اللى هانطبقها يومياومفيش أعذار
4_مواعيد لقاءنا فى الجروب ودى مواعيد مقدسة
وصدقونى بعد ماهاتعرفوا بعض مش هاتقدروا تستنوا ساعة
من غير رغى اصلى عارفاكم
أغلبنا بييجى من9ل12 بتوقيت السعودية
وطبعا ناس كتير بتدخل على مدار الساعة
وأنا منهم طبعا
5_ الريجيمات لازم تكون صحية عشان نخس بصحة بدون أمراض ومانرجعش تانى
يعنى رجاء خاص من أختكم بلاش كيمائى
6_ كل واحدة ليها الحق فى أختيار ريجيمها عشان المرونة بس أهم شىء النتيجة
وتقولى رجيمها إية عشان أتابعها كويس
7_الوزن أسبوعى يوم السبت الصبح وبقية اليوم فرى
لحد الساعة 8 بس وأستوب
واللى مش عايزة اليوم كلة تاخد واجبة واحدة
8__منتظرة أشتراككم بفارغ الصبر عشان نشجع بعض
يلا ورونى الهمة
نبتدى بسم الله الرحمن الرحيم
طبعا أنتوا بتقولوا الست دى مالها رغاية وعمالة قوانين وتحكمات
مش تقولنا هانعمل إية يمكن كلامها مايعجبناش
ماشى يا قمرات هأنقول
عندك الموضوع دة متجمع فية
الرياضة والريجيم والبشرة والشعر
وكل مايهم جمالنا وصحتنا
تختارى اللى يناسبك وتيجى تقولى انا هأعمل دة
عشان المتابعة تبقى أسهل
موسوعة جروب مصريات فى الغربة*بالحب وبس هانخس من غير مانحس*
ويارب نخس بصحة وعافية يارب
ويبارك لنا فى تجمعنا
ويظلنا تحت عرشة
يوم لاظل إلا ظلة
أميييييييييييييييييييين
https://content.sweetim.com/tbsig/sig.asp?img=ad1
أم الجواهر أم الجواهر 195233_22.gif فتكات غالية قوي Fatakat 195233 مدينة أحلام اليقظة – الأمل