السلام عليكم
ازيكوا يا احلي اصحاب ف الدنيا عاملين ايه وحشتوني
انا بقالي فتره كبيره بعمل الفراخ المشويه ودخلت هنا الاقي كزا واحده مش عارفه لسه تعملها قولت لا ما ابخلش علي حبايبي بحاجه ابدا
بصو يا قمرات نبدا باسم الله انتي تعملي الخلطه الاول تجيبي طماطم وفلفل اخضر وبصل لو في عندك كبادى وقوانص تبقي احلي معاهم كمان
وبعدين تقطعيهم حتت صغيره ماشي وتحطي عليهم ملح وفلفل اسمر وخلطه وتحش الفرخه كلها وتحطيها ف التلاجه لتانى يوم لازم تتحشي
علي بيات لو هتتاكل تانى يوم علشان تلحق تشرب من الخلطه ماشى جينا بقي تاني يوم ما تحطيهاش ف الفرن علي طول هتيجى تطلعيها
هتلاقيها نشفه اوى بصي تقومى جايه حطاها ف صنيه علي نار هاديه علي النار وتسبيها تستوى نص سوا وبعدين تدخليها ف الفرن تكمل
سواها وتتحمر ف نفس الوقت هتلاقيها متحمره وطريه وتاكليها بالف هنا وشفا انا عملتها اكتر من مره والحمد لله كل مره بتتطلع احسن من
اللي قبلها وعلي فكره انا بنوته كمان مش ست بيت بس بنوته شطره شويه يلا عاوزه اسمع ردودكم واشوف تقيمكم باي يا قمرات مواضيع هذا القسم برعاية
زهرة الصبارsh زهرة الصبارsh فتكات هايلة Fatakat 1088560 المنصوره – مصر