السلام عليكم ورحمه الله وبركاته
ازيكم يا احلي فتوكات من غير ما اطول عليكم انا عندي مشكله خاصه ببنت عمي هي بعزها زي اختي بالظبط هي ام لاربع اطفال وللأسف كل ولادتها كانت قيصري بس هي تعبت اوي في الطفل الاخير من كتر المسكنات بعد الولاده والادويه حصل لها قرحه بالمعده ومشيت علي علاج للقرحه ومن حوالي شهر ونص عرفت انها حامل ( علي فكره هي لسه والده من ست شهور بس ) المشكله انها كانت بتاخد علاج القرحه من قبل ما تعرف انها حامل وعرفت ان العلاج ده بعمل تشوه للجنين ومن ساعتها مش بتبطل عياط ومش عايزه تكمل الحمل علشان أولاً هي حالتها الصحيه وحشه قوي دا غير ان عندها انيميا وكمان لما الدكتوره اللي ولدتها اربع مرات لما عرفت انها حامل زعقت لها وقالت لها انتي مش عارفه ان الحمل خامس مره خطر جداً عليكي خصوصاً انها لسه والده قريب .
ثانياً هي حزينه جداً لان الدوا اللي بتاخده بيعمل تشوه للجنين
في ناس وصفت لها وصفات علشان الحمل ينزل بس مفيش فايده واخيراً واحده جارتها نصحتها بانها تعمل عمليه شفط هوائي خصوصاً ان الحمل مكملش 12 اسبوع بس هي مش عارفه تعمل العمليه دي فين
ياريت اللي عنها فكره تعرفنا بيها سواء علي العام او الخاص وبالله عليكم بلاش واحده تدخل تقولي لا حرام خليها تكمل الحمل
يعني حرام تنزل الحمل ومش حرام تعرض حياتها للخطر واذا ربنا نجاها تجيب طفل مشوه او معاق يتعذبوا سوا هي وابنها طول عمره دا غير ان صحتها علي ضعيفه
للعلم اجازت الفتوي اجهاض الحمل لو تأكد حدوث تشوه بالجنين وقبل الشهر الرابع
جزاكم الله كل خير ولا يريكم مكروه في انفسكم او في عزيز او غالي عندكم
ملوكه ملوكه 29204_1.gif فتكات متميزة Fatakat 29204 القاهره – مصر
سبحان الله و بحمده