وحشتونى يا فتوكات اوى وخصوصا القسم القريب لقلبى المطبخ طبعا
ورغم عدم حبى للمطبخ الا ان مع فتكات خلتنى اعشق المطبخ وانى احول
واجتهد انى اعمل شئ يتاكل من الاخر
المهم النهارده بقى هنكمل مسلسل الفشل المطبخى بتاعى وهو انى
بلا فخر فاشلة جدا فى التحمير بكل انواعوا يا جماعه والله وماليكم عليا حلفان
يعنى مثلا حد يطلب منى احمر شئ تلاقى وجع الدنيا وتعبها حلوا عليا
اه يا قلبى اه يا رجلى (كده وكده طبعا)
والسبب ايه انى مش بعرف احمر بس هنا فى بيتى ومع جوزى
بجتهد وحتى لو الشئ باظ اقولوا معلش والله كنت مستعجلة
اصل تى تى كانت بتعيط وسبت الحاجه على النار وخوفت طبعا اقف بيها فى المطبخ عشان خطر
وخدوا من ده كتير ولما بتطلع الحاجة كويسه اقولوا ده اقل شئ عندى يابنى والله
المطلوب بقى يا فتوكات يا قمرات اليوم
كل فتوكة امورة عسوله عندها فكرة فى اسرار التحمير تدخل وتقولنا فورا ايه سر تحمرها الجميل
وكل فتوكة اموره عسولة زى تجى وتقعد جبى وتستنى اخواتنا عشان يعرفونا السر
وعلى سبيل المثال
1 ناس تقول الباذنجان تحمريه والعين تبقى عليا عشان مش يشرب زيت ولما عملت كده الاقى الطروف اتحرقت
وهو لسه نى ولما اعمل انى اوطى عليه يطلع كويس بس بيكون زيتوا كتير
بس فى النهاية فى كل الاحوال بيشرب زيت
وقريت ناس بتقول تحط عليه دقيق بس بردوا عملت كده طلع طعموا مش زى طعم الباذنجان الجميل
2 لما اقلى السمك مش بيطلع حلو كده لا بحس انوا مفهوش جلد كده ذهبى لا بتكون القشرة باينه رغم انى بكون مكتره الدقيق
والزيت بيكون مقدوح كويس والاقى بيتوسخ بسرعه رغم انى اقصى حاجه بحمرها اربع سمكات
3 البطاطس كانت بتطلع ناشفه وانا مش بحبها مقرمشه بصراحه اوى يعنى احب نص نص بس بدأت تضبط لانى كنت مش بقلبها الا لما يحمر الجزء وعقبال ما اقلبها تكون نشفت جدا وتبقى بطاطس محمصه مش محمرة
4 وكمان الفراخ بانية الزيت بيتوسخ بسرعه رغم بردوا انى بكون قادحة الزيت كويس
5 الممبار ساعات يضبط وساعات لا
6 بالنسبة للقمة القاضي او الزلابيه بالعاميه عمرها ما طلعت مضبوطة معايا قالوا لازم الطاسة تبقى غويطة وبصراحه كل اللى عندى مسطحين مجبتش طاسة غويطة وانا بشترى لان الراجل ماكنش عندوا
روحت عملتها فى حله وخليتى الزيت غزير يعنى ممكن ضبطت شوية
انا اديتكم كم مثلا عشان لو حد رد يقول لو انا غلطت فى شئ معين
ومثلا لما تقولوا نسلق السمك هل يحتاج زيت كتير او قليل او طاسه غويطة تغمر السمك بالزيت او العكس وانتم فهمتونى بقى يا فتوكات ومستنيه تفيد بعض يا قمرات
مواضيع هذا القسم برعاية
om Tete om Tete 28103_3.gif سوبر فتكات Fatakat 28103 حضن تى تى – حبيبة ماما