السلام عليكم حبيباتي
وحشتوني
بجد انا سعيده جدا اني معاكم فالجروب الجميل وسعيده جدا بالبنات الي مشت على الحاجات الي بنقول عليها وخست
انهرده بكتبلكم البوست الى كتير طلبوه مني وهو ترهلات الصدر
حبيت اعرض عليكم فاﻷول الصوره الي تحت عشان تكونوا فاهمين معايا دي صوره للصدر الكتله الي خارج الجسم زي ما انتوا شيفين بيتحكم في شكلها وحجمها حاجتين اساسيتين هما
الدهون
والغدد اللبنيه
وده الي بيخلي البنت الي وزنها زايد صدرها كبير عن ضعيفه الوزن
كمان بيخلي المرأه المرضع حجم صدرها مختلف عن البنت الي محملتش
طيب ده كلام كويس نتكلم عن سبب الترهل :
من اسباب الترهل هي نقص الوزن اوفقدان كميه الدهون الي بتدي الشكل اﻷساسي للصدر
كمان المرأه في فتره الحمل والرضاعه بيزيد حجم الغدد اللبنيه وهي الي بتتسبب فى زياده حجم الصدر وبالتالي تمدد الجلد الخارجي ولما المرأه بتوقف رضاعه تبتدي الغدد اﻷبنيه تفضى ويقلحجم الصدر ويفضل الجلد زي ماهو ﻷنه بيكون اتمدد بالفعل.
الحاجه التالته هي الجاذبيه اﻷرضيه زي ما انتوا عارفين ان اي جسم له وزن بيكون له قوه جذب مساويه له من الجاذبيه وده بيفسر لنا ان كلما زادت كتله الصدر كلما كان الترهل اكبر بسبب الجاذبيه
انا بحاول ابسط المعلومه عشان الكل يستفاد
طيب ايه الحاجات الي نعملها نقدر نتفادى الترهلات؟؟؟
سؤال مهم للبنات الي لسه محملتش تخلي بالها منه
في بنات وسيدات كتي تقول مش حلبس حماله صدر فالبيت اما اعتقادا خاطئ منها انها بتصغر الصدر اوانها بتدايق منها وده غلط كبير زي ما قلنا الجاذبيه حتبتدي تشتغل وده مش عايزينه
تاني حاجه هياهمال ترطيب المنطقه دي من الجسم والعنايه بيها
تالت حاجه هي استخدام اناع غير جيده من حمالات الصدر بتكون من الياف صناعيه غالبا بتسبب التهابات وخصوصا فالصيف كمان الحماله بتاعتها داخلها استك وده بيخلي الصدر غير ثابت في مكانه وبيخلي الجاذبيه تشتغل زي ما قلنا
افضل نوع بيكون 100%قطن كمان الحماله بتاعته مش استرتش
كمان المقاس لازم يكون مظبوط لاهي ضيقه ولا واسعه
الحاجه الرابعه هي غلط المرضع تسيب كميات كبيره من اللبن فىصدرها عشان ميحصلش تمدد اما انها ترضع اوتفضي الزياده
طيب احنا فعلا حصل ترهلات ايه الحل ؟؟؟؟؟
في ناس بتقول الرياضه هي الحل …معلش مضطره اصدمهم وقول ﻷ …عشان كده انا بدأت بكلامي عن تكوين الصدر وجبت الصوره عشان تفهموا قصدي
الكتله الخارجه عن الجسم للأسف مفيش فيها اي عضله
العضله الوحيده هي عضله الصدرالي علي الي خلف الثدي
يعني الرياضه عمرها محتمشي الترهل لكن ممكن تشد العضله الي امامها الصدر فتدي تحسن بسيط فالشكل عموما
الحاجه الي حتساعدنا هي اننا نهتم بشكل الجلد ونرجع نضارته كمان الرياضه حتدي تحسن في الشكل العام للصدر زي ما قولنا
حندهن بزيت الزيتون مع تدليك خفيف ﻷن النبي صلى الله عليه وسلم قال كلوه وادهنوا به
ولو في لون غامق بعد اﻷنكماش او بقع مكان التهابات نزود زيت بقدونس مع الزيتون بيضيع اي بقع حتى كلف الحمل
حنلتزم بالحاجات الي قولناها فوق تقلل من زياده الترهل
كمان التدليك ينشط الدوره الدمويه فيدي نضاره وشكل جميل
معلش البوست بياخد صوره واحده مقدرتش ازود صور الرياضه لكن حنزلهم في بوستات تانيه
انما ممكن نعمل حاجات سهله زي نحط ايدينا الاتنين عالحيطه ونميل جسمن شويه ونضغط بجسمنا عالحيطه يعني زي الضغط الي بنعمله على اﻷرض بس عالحيطه واحنا وقغين
كمان ممكن نجيب وزن نصف كيلو زي ازازه ميه صغيره او ضمبلز من محلات ادوات الرياضه ونلعب بيهم
وحنزل صور توضح تابعوني
معلش طولت عليكوا سامحوني بس كان موضوع مهم لازم اتكلم في تفاصيله
انا خلصت اي سؤال تحت امركم
في امان الله
معلش مش عارفه ارفع الصوره
ححاول ارفعهافالمشاركه
لو استفدتي باي معلومه قيمي عشان غيرك تستفيد واحتسبيه في ميزان حشناتك ان شاء الله
شييييكو شييييكو فتكات متميزة Fatakat 879635 اﻷسكندريه – مصر