بسم الله الرحمن الرحيم
انا مش اول مرة أكتب وصفات صحية ده لأنى بحب الاكل اللى فيه دهون أقل ليه نحط دهون كتير لما ممكن ما نحطش خالص
طبعا بهزر ماينفعش ما نطبخش بزيت خالص حتى لما بنعمل دايت لازم على الاقل معلقتين زيت فى اليوم
يلا كفاية كلام ونطبخ بقى يا حلوين يلا ساعدونى مش هعمل لوحدى بس هاكل لوحدى
أولا اول حاجة هنقشر الباذنجان ونستخدمة علطول مافيش داعى طبعا لنقعة فى ميه وملح لانه مش هيتقلى ونجيب صاج الفرن ونرشة بزيت الزيتون
ونرص الباذنجان ونقطع فلفل ونشوية معاه ونرشة بزيت الزيتون شوفى رشات بس يا جميل سواء دواير او بشكل طولى زى كده
ثانيا نحضر الصلصة عبارة عن ثوم مدقوق وطماطم معصورة وصلصة للون بس فى طاسة نشوح الثوم فى معلقة زيت بس عشان يطلع ريحة وبعدين ننزل بالصلصة والطماطم ويا سلام لو ربع قرن شطة ونظبط الملح والفلفل ونسيبها تاخد
غلوة
ثثالثا نحضر اللحمة المفرومة عصاج عادى بصل مفروم وتوم فى معلقة زيت بس ونشوح اللحمة لحد ماتستوى ملح وفلفل وبهار مشكل
رابعا ودى اهم خطوة نقسم الصلصة بحيث جزء للباذنجان وجزء للحمةزى كده
شوفتوا حطينا صلصة فى الصينية ورصينا الباذنجان والفلفل وكمان صلصة يعنى غرقنا
الباذنجان
خامسا نقلب الباقى من الصلصة على اللحمة على فكرة اللحمة حوالى 6 أو 7 معالق بس ايوا بس كفاية عليكى
لما نقلبها على الصلصة بتزيد وبتنفش وده حسب الرغبة يا حلوين اهه والصورة خير دليل
سادسا نقطع خضار ترنشات طماطم وبصل وفلفل ونرصه على الوش وده مش للزينة بجد بجد بتفرق جدااااااااا فى الطعم
ندخلها الفرن تتسبك يا قمرات ويلا رغيف بلدى سخن ومدى ايديكى
وبالهنا والشفا
أختكم حنان
راحة فين يا حلوة قبل ماتغسلى ايديكى نورى لى الخمس شمعات
مواضيع هذا القسم برعاية
hz2017 hz2017 842633_8.gif فتكات رائعة Fatakat 842633 الرياض – السعودية