اهلا بيكم عرايسى القمرات مع موضوع جديد خاص وحصرى فقط
لعرايس فتكات القمرات
والعرايس الزائرات اللى بيتابعونا
ما انا فيه هو فضل ونعمة وتوفيق من ربى سبحانه وتعالى
وبعد نجاح موضوعى الاول
الحالة النفسية للعروسة قبل الزفاف وعلاجها
والحمد لله لاقى اقبال كبير وتفاعل من العرايس القمرات
فكرت ليه ميبقاش عندنا مركز تأهيل ودعم معنوى لعرايسنا القمرات
نتكلم فيه عن كل حاجه بتعكر صفو نفسية عروستتا ونحاول نحلها ونساعدها فيها معنويا
زى مثلا
الجهاز
عروستنا مثلا عايزة تجيب حاجه ومش قادرة او اهلها رافضينها او حتى هى عايزة تكتفى بحاجه معينه واهلها بيضغطو عليها انهم يجيبو حاجات تانيه وبلاش دى و طبعا اختلاف ازواق الاهل بيختلف عن ازواق عرايسنا المتابعين لكل ما هو حديث ومميز والاهل بيشوفو انها تقاليع
التجهيز لليله الزفاف
زى مثلا هى قلقانه من امور قد تحدث لها جسديا قبل الزفاف ومش عارفة تتخذ قرار تاجل ميعاد الفرح ولا تكمل طب هتتصرف ازاى فى التجهيز لليله دى طب تحدد امتى وازاى مثلا كمان هى عايزة تعمل ايه فى الفرح وفى حد مش موافقها على فكرتها
المشاكل اللى بتوجهها اثناء التجهيز مع اهلا او حتى خطيبها
كمان عرايسنا الى بيبقو عايزين يعملو فرحهم اسلامى او منفصل وطبعا بيلاقى هجوم شديد غير مبرر سواء من الاهل او خطيبها والعكس يعنى العروسة اللى عريسها عايزها تعمل فرحها منفصل وهى رافضة الفكرة او متخوفة منها
التعامل مع الاخرين
طبعا كل عروسة قبل الفرح وكل ما ميعاده يقرب بيحصلها تطورات نفسية وجسدية بتاثر على تعاملها مع المجتمع المحيط بيها هنتكلم فيها ونناقشها ونعرف اسبابها ونحلها سواء مع اهلها او خطيبها او اهل خطيبها وخصوصا الشكوى المكررة من التخوف من معامله ام العريس او تغيرها وخوصا الى هيسكنو فى بيت عيله وليها سلفات
العرايس الجداد
وبرضه العرايس الى بيبقو لسه مخطوبين جداد ومحتاجين حد يساعدهم انهم يحددو اولوياتهم وامتى يبداو فى التنفيذ ازاى يتعاملوا مع خطابهم واهلهم وانها جديدة على العيلة ولسه مش عارفة تتعامل معاهم ازاى
مش هنكتفى بس بالعرايس
المتزوجات حديثا
هيبقى معانا برضه العرايس اللى لسه متجوزين جداد
هيتكلمو معانا فى ايه الى تم فى الاتفاق فى الجهاز وايه اللى حصل بعد كده فيه
طبعا فى نفوس تتغير بعد الجواز هنشوف ايه الى قابل العرايس الجداد مع بداية حياتهم الجديدة سواء من الازواج او من الاهل
الايجابيات فى حياتنا
كلامنا بس مش هيبقى على المشاكل لان مش كل الحياة سلبيات فيها كتير حاجات حلوة بس الزعل دايما بيعمينا عنها
برضه هنتكلم على الايجابيات اللى قابلناها واتعلمنا منها ايه اللى خوفنا منه وطلع احسن بكتير مما اتخيلناه
طبعا مش انا بس اللى هتكلم معاكم ونحل مشاكلكم
فى المركز هنعمل فكرة جميلة وجديدة
ان اى عروسة كان ليها مشكله واتحلت الحمد لله هى كمان واجب عليها انها يبقى ليها دور وتساعد معانا فى حل المشكلات اللى بتواجه اخواتنا
يعنى كلنا هنتفاعل مع بعض فى حل مشكلات بعض
وتتفضل عرايسنا القمرات فى عرض مشكلاتهم وان شاء الله ربنا يقدرنا ونساعدها فى حلها والتغلب عليها
وان شاء الله المركز ده بيكم وليكم هيبقى له اجزاء وكل جزء هنكتب فيه اسم كل مدربة هتساعد معايا فى مواجه مشكلات العرايس
وطبعا لا تنسو التقييم للتثبيت وافاده القمرات
وبرضه متنسونيش فى صالح دعواتكم
ان ربنا يباركلى فى زوجى وبنتى
وان ربنا يفتحلى اوسع ابواب رزقة من حيث لا اعلم ولا احتسب وان يبارك لى فى فيما رزقنى
ام رؤى حماده اول ديجيهاية حريمى بدمياط ام رؤى حماده اول ديجيهاية حريمى بدمياط 214895_13.gif ملكة فتكات Fatakat 214895 راس البر – دمياط
