بسم الله الرحمن الرحيم
باين من العنوان..اننا حنحكى هنا حكايتنا مع السمنة والتخن وطريقتنا فى الوصول لحلم الرشاقة
الموضوع ده مش بس لبنات الفريق..نووووووووووو
ده لكل البنوتات اللى بيحلموا بالرشاقة
علشان نتعلم من تجاربنا وعلشان اللى تضعف فى طريق الحلم ده تستمد الشجاعة والقوة انها تكمل الحلم لحد ما يبقى حقيقة باذن الله
حنتكلم بصفة عامة..وكمان بصفة خاصة عن خطواتنا فى الرجيم ونجاحنا واحبطاتنا..كله كله
حنكتب عن معركتنا مع التخن والخسسان على مدى طويل
وكمان عن يومياتنا ..سواء فى كل يوم او كل اسبوع..عملنا ايه صح..عملنا ايه غلط
يعنى كأن كل واحدة قدام نفسها..او قدام صاحبتها الانتيم..او طبيبتها النفسية اللى بتثق فيها
نحكى ازاى المغريات قدامنا..حسينا بايه؟؟ قاومناها ازاى…؟؟؟؟؟؟؟؟؟ضعفنا ازاى؟؟؟؟؟؟؟؟
طبعا دى مش فكرتى دى فكرة
((الحلم المنشود)) منمن
ودى كلماتها
نعمل مرجع مذكرات او خواطر كل واحدة تدخل بشكل يومي او اسبوعي تكتب عملت ايه النهاردة او في الاسبوع ده كل حاجة واي حاجة
يعني كل واحدة تكتب انا النهاردة مشيت على الدايت تمام بس للاسف اكلت محشي او مانجة او النهاردة كان كويس جدا ويارب كده كل يوم
او لو حد هيكتب اخر الاسبوع يكتب عمل ايه الاسبوع ده عموما يعني لخبط شوية كان كويس جدا كويس بس فيه حبة لخبطة
كده يعني
باختصار حاجة كده زي التحليل النفسي كل واحدة تكتب شعورها سواء حاجة تفرح او تزعل وليه عمات حاجة وحشة وازاي تصلح الغلط ده ولو حاجة حلوة شعورها ايه لما عملته وان شاء الله تستمر
تمام كده
كل ده بدون ادنى رقابة او عقاب
واحنا هنا بقى كل واحدة تدخل لو عاوزة تعلق تعلق بالتشجيع ولو حد عك نعاتبه من غي تجريح او احباط او يأس ونقوله احنا كلنا كده ولازم ننسى العك ده ونبدا من اللحظة اللي احنا فيها دي
ده كلام منمن((الحلم المنشود))
اللى بناء عليه عملت الموضوع ده
حبيبة_امها حبيبة_امها 202418_3.gif ممنوعة من المشاركة Fatakat 202418 البحيرة – مصر