[center]
[size="5"]ازيكم يا فتوكات يا حلوين
رغم الظروف اللى بنمر بيها دى … ربنا يعديها على خير و يحفظ مصر
انا حانزل طريقتى للطماطم المخللة و البتنجان علشان ماحدش يقول انا جايباه من بره و بصورة فى مواضيعى على انه بتاعى
و انا مش نزلته قبل كده لانى متاكدة ان كل الفتوكات عارفين طريقة عمايله .
بتنجان اسود رفيع بالكمية اللى تحتاجيها
فلفل حامى
طماطم جامدة
توم / ليمون/ خل / ملح / فلفل رومى /
شطة / كمون / زيت
اول حاجة نشيل راس البتنجان و نعمل شق بطول البتنجناية و فقليه لحد ما يطرى بس مش يتحمر
و نشرح الطماطم بالطول من غير ما نوصل للاخر
و نضرب مكونات الحشو [ التوم و الفلفل الرومى و الحامى و الشطة و الكمون و عصير الليمون ] فى فودبروسيسور او هون لحد ما ينعم
و بعد ما البتنجان يبرد نحشيه بالخلطة هو و الطماطم و نرصهم فى علبه و نصب عليهم الصوص اللى فضل من الحشو و كمان شوية خل و
زيت و عصير ليمون و ملح و كمون على الوش
و نقدمه بالشكل ده
و نقدم معاه الطبق الجميل ده للغدا
و فى الاخر نحلى بقنا بطبق الحلو ده
مواضيع هذا القسم برعاية
شاي ساده شاي ساده 849519_1.gif فتكات ست الكل Fatakat 849519 القاهرة – مصر