ازيكو يا بنات
وحشتونى
انا النهارده عملالكم كذا نوع محشى ويارب يعجبكم يارب
انا عملتلكم طبعا محشى كرنب وفلفل وورق عنب قبل كده يارب تكونوا فاكرين
بس النهارده بقى زودت محشى الخس ومحشى الطماطم
يارب يعجبوكم
ومحشى ودن القطه ده يا بنات اللى هو محشى الخس واكيد كلكم بتعملوه
بس انا بسميه كده عشان بيبقى شبه ودن القطه هههههههههههه
طيب يلا ندخل فى الموضوع بسرعه هههههههه
الطريقه
انا اول حاجه بخرط البصل او بعمله فى الكبه عادى حسب الكسل يعنى
اصلى بكسل اغسل الكبه كل شويه هههههههههههههه
وبحط سمنه وزيت مع بعض فى صينيه كبيره واحطه على النار يدبل بس وبالكتير اوى لونه يبقى اصفر
اوعى تغمقيه
مش هيبقى حلوه خالص فى الاكل لا قدر الله
دى اول مرحله للبصل اوك
ومتنسيش تضيفى الملح عشان يدبل بسرعه
وهنا لسه بيشاور عقله انه يصفر ههههههههههه
وهنا بقى خلاص يعتبر اصفر
قومت ضيفاله عصير الطماطم وسيبتهم يتسبكوا سوا
اهم بقوا بالمنظر ده
ومتنسيش تضيفى معلقتين صلصه لو الطماطم لونها كان فاتح
وبعدين ضيفت الرز عليها مع البهارات اللى هى كمون وقرفه وفلفل اسمر وياسلام بقى لو عندك نعناع ناشف او تحطى حتى باكيت من الباكيتات اللى بفتله دى هيبقى رائععععععععع
مع مرقه دجاج
وقلبتهم كويس لحد ما المكونات كلها تجانست مع بعض
وبعدين قومت ضايفه الشبت والبقدونس والكزبره
وطبعا ماما كانت سلقه الكرنب ومقطعاه لانى انا لحد دلوقتى مبعرفش اسلق الكرنب هههههههههه
نيجى بقى لمحشى الطماطم
انا غسلت كميه الطماطم اللى كنت هحشيها
وبعدين شيلت الميه اللى جواها او الجزء الداخلى كله
بالمنظر ده
ومترميش غطيان الطماطم هنستعملها بعدين فى المنظر النهائى ههههههههههه
دى الكميه كلها اللى حشيتها يومها
بس متبقيش تكبرى بؤها اوى كده هههههههههه
يستحسن ان بؤها يبقى صغير زى بؤك كده يختى منك ليها هههههههههههه
وهنا حشيتها
ورصيتها فى الحله
هندخل بقى عالتسويه
انا هنا كنت بسوى محشى الكرنب
طبعا الشوربه بتاعته بتبقى زى الرز العادى بالظبط
واما بيغلى بتدورى الحله الناحيه التانيه عشان المحشى كله يبقى بنفس السوا
والاخر توطى النار عليه خاااااااااااااااااااالص
لحد ما يستوى
وهنا بيتشرب اهو
وطبعا كنت سالقه فراخ ومحمراها عادى
لانى طبعا كنت محتاجه شوربتها عشان اسوى بيها المحشى
لان المحشى مبيبقاش محشى بجد الا بالشوربه ههههههههه
انما لو عملتيه بالميه
هتحسى انك بتاكلى ميه ساقعه ههههههههههههه
متنسوش التقييم بقى الله يخليكوا ههههههههههه
يلا انزلو معايا
مواضيع هذا القسم برعاية
سنوات الضياع 2 سنوات الضياع 2 729913_1.gif برنسيسة فتكات Fatakat 729913 طنطا – مصر