ازيك يا قمرات بصو بقى انا اول مره انزل حاجه فى القسم ده هى حاجه بسيطه كده على قدى ولا تيجى اى حاجه من الحاجات الروعه الى بشوفها فى القسم بس مش عارفه حبيت انزلهلكم تشوفها وترفعو من معنوياتى ومش مهم التقيم يا قمرات المهم ان الاكل يعجبكم
نبدء (بسم الله الرحمن الرحيم)
النهارده هعمل محشى كوسه باذنجان وكرنب وفليه
ده البصل انا ببقى مجمداه فى الفريزر لوقت الاستخدام
نحط البصل يتحمر ونجهز الطماطم المضروبه وكوبايه صلصه علشان انا بحب خلطه المحشى حمراء شويه
اول لما البصل يحمر شويه بس مش كتير علشان متبقاش الخلطه تقيله ننزل بالطماطم وكوبايه الصلصه ونسبهم يتسبكو ونحط عليها فلفل اسود وملح ومرقه دجاج فوريه
https://files2.fatakat.com/2016/11/13540891308937.jpg
وبعد ما يتسبكو نحط خضره المحشى ونقبلها ونسبها شويه صغيره
هنا بعد ما قلبت الخضره اكون غاسله الارز على حسب كميه المحشى انا عملت 3 اكواب اقفل النار واحط الارز واقلبه
اجهز بقى حله احط فيها بطاطسايه متقطعه من تحت وطماطمايه وحوار البطاطس ده هايل جربوه بتخلى المحشى تحفه من تحت ولا لسع ولا اى حاجه
نكون مجهزين الكرنب انا ببقى سلاقاه ومقطعاه وشايلاه فى الفريزر لوقت عوزه بيوفر فى الوقت
نيجى بقى للحشو حشيت الكرنب واهى الحله بعد ما اتحشى
نيجى بقى للكوسه و الباذنجان انا بحطهم فى صينيه بيبقو احسن بكتيييير ارصهم بعد الحشو فى صينيه
ونكون محضرين طبقى فيه ايه بقى (مايه وشويه زيت وملعقه صلصه وشويه ملح وشويه فلفل اسود) وهوب نحط الباذنجان والكوسه ونحط على الكرنب
وبعد ما نحط عليهم نغطى صينيه الباذنجان بالفويل ونحط طبق فوق الكرنب علشان وهو بيستوى ميفكش واول ما يشرب مايته نشيل الطبق ونرش رشه كمون على غطا الحله كده بيدى طعم رووووووووعه
ونسبهم بقى على نار هاديه يستو ونتبل احنا البانيه
نحط التبييله بتاعته المعتمده عندى وهى(بصل بودره توم بودره فلفل اسود بهارات فراخ شويه زنجبيل بودر شويه كارى وملح شويه كركم )
ونتبل الفراخ بيهم يفضل من بليل بس انا عملته قبلها ب4 ساعات ونحطه فى التلاجه ونجهز 3 اطباق طبق دقيق وطبق بيض وعليه شويه لبن وملح وفلفل وطبق بقسماط وعليه فيجتار ونحط البانيه فى الدقيق وبعدين البيض وبعدين البقسماط ونحطه شويه فى الفريزر
هنا بعد ما حطناه فيهم وهوب على الفريزر لحد ميعاد التحمير
كده خلصنا البانيه وطبعآ المحشى استوى نيجى بقى نرصه على ما نسخن القلايه على درجه 170 او الطاسه والزيت يكون سخن
واهو الفليه وهو بيتحمر
هنا بعد ما خلص وصفيته على مناديل وبعدين رصيته فى طبق
وهنا الاكل كله وهو على السفره
وكده ابقى خلصت ويارب الاكل يعجبكم يا قمراتمتحطوش فى دماغكم الطبق الى على السفره الى فيه جرجير وفلفل حامى اصل انا من عشاقهم مواضيع هذا القسم برعاية
نفرتارى 22 نفرتارى 22 522848_8.gif فتكات ست الكل Fatakat 522848 القاهره – مصر
سبحان الله و بحمده
