السلام عليكم ورحمة الله وبركاته
ازيكم يا فتوكات انا انهارده عايزة
اكلمكوا فى موضوع الشوفان
انا عندى بنوتة رضيعة
وعرفت ان الشوفان مغذى جدا
للكبار والصغار عملت شوربة الشوفان
اكتر من مرة بس بصراحة ما عجبتنيش
طب اعمل ايه هرمى العلبة يعنى؟؟؟؟
فى مرة كنت بعمل شوربة عدس
وانا بصراحة مدمنة شوربة عدس وجوزى ما بيحبهاش
لما بيكون مش هيتغدى معانا بعملها
اقولكوا الاول طبعا انا بعمل العدس ازاى
كوب عدس- 1 بطاطس – 1 بصل – ا جزر – 1 طماطم
طبعا المكونات دى بتسلق كويس
وبعدين هيله هوب على الخلاط
وانا بضيف المكونات وقبل ما اضرب فى الخلاط
عينى وقعت على علبة الشوفان
روحت واخدة حوالى 1/2 كوب شوفان وعليه شوية مايه
واخدته غلوتين فى حلة صغيرة
ورحت ضايفاه على بقية المكونات وفى الخلاط
وبعدين كملة بقية الخطوات عاددى
حمرت شوية شعرية فى زبده
وحطيت عليه الشوربة لحد ما استوت الشعرية
وطبعا ضفت التوابل بتاعتى
والحمد لله طلع طعمه رائع جدا جدا
والعيال كلوها وانا بنتى الكبيرة
رخمة جدا فى اكلها بس الحمد لله كلتها
المهم انا قلتلكوا فكرتى
ياريت انتوا كمان لو عندكوا اى افكار
للشوفان تكون متجربة وحلوة
ياله يا جماعة ياريت ما تبخلوش عليا
فى الردود زى كل موضوع بعمله
علشان
ولا بلاش
ما اقدرش ازعل منكم
ياله مع السلامة مواضيع هذا القسم برعاية
MARIOMA_BALA MARIOMA_BALA images/avatars/whiteflower.jpg فتكات رائعة Fatakat 193680 المحلة الكبرى – مصر