ازيكم يا احلي فتوكات
يارب تكونوا كلكم بخير
النهارده انا جايبالكم طريقه مافن مالح
خفيف وطعمه جميل
وينفع لفطار او عشاء خفيف وممكن أولادكم ياخدوه معاهم المدرسه
1 كوب دقيق
1/4 كوب زيت
1/4 كوب لبن
2 بيضه
1 معلقه صغيره بيكنج بودر
1/4 كوب جبنه رومي مبشوره(انا هنا استخدمت جبنه فلمنك)
معلقه صغيره ملح وشويه فلفل اسود
جبنه كيري
بسطرمه
زيتون اسود
فلفل احمر
ودي صوره للمقادير كلها
ونبدأ الطريقه:
طريقته سهله جدا ومش بتاخد وقت خالص
في الخلاط هنضع البيض واللبن والزيت والدقيق والبودر والملح والفلفل والجبنه الرومي المبشوره
وهنخلطهم مع بعض
وممكن نقلبهم مع بعض بالمضرب السلك
هنقطع الفلفل الاحمر والبسطرمه والزيتون والجبنه الكيري
قطع صغيره
نصفها هنحطه علي الخليط والنص التاني هنزين بيه الوش
هنضع الخليط في قوالب الكب كيك
ونزين الوجه بباقي الجبنه والزيتون والبسطرمه
هندخله الفرن علي درجه حراره 180 لمده 15:20 دقيقه
وهتتطلع بالشكل دا
ودي كمان صوره
يارب تعجبكم وتجربوها
وماتنسوش تدعولي
وكمان ما تنسوش التقييم
مواضيع هذا القسم برعاية
حته سكره 80 حته سكره 80 286735_1.gif سوبر فتكات Fatakat 286735 مع جوزى حبيبي – مصر