بسم الله الرحمن الرحييييييييم
جاية وحابة افيدكوا ولو واحدة بس فيكم استفادت منى انا حاكون راضية جدا جداااا
لان كلامى ممكن ميتصدقش
او ميتفهمش او محدش وكتييييييييير مننا ممرش بحالة نفسية كدة فصعب يستوعبها
بس ف وسط كلامى حتلاقوا كتيير اوى اوى منكوا مروا بحالات اكتئاب كدة واثرت فيهم نفسيا وعليه عشان يطلعوا منها يحاولوا يقنعوا نفسهم
بحاجة تانية عشان الموقف يعدى
..
الحكاية كلها انى خسيت ف حوالى اسبوعين 15 ك
انا خسيت لانى كنت عيانة واصبت فالحنجرة بأكياس صديدية وانا آسفة اوى لو بتأرفوا
بس والله عشان اوصفلكوا الحالة كانت ايه
طبعا مكنتش ببلع نهائى لا اكل ولا شرب ولا بتكلم الكلام وحركة فتح وقفل البؤ بتألمنى فحد ذاتها فما بالكوا ادخل اى شئ واحاول بلعه !!
الفترة دى طبيعى جسمى ينزل فيها اول كام يوم كنت ف مستشفى متركبلى محاليل عشان مفيش اكل والدوا كله حقن
تمام
لحد كدة
تمااااااام
عملت العملية وقمت بالسلامة منها
الخطوة التالية ليا اكول ابلع اشغل بؤى افتح واقفل امضغ والبلع اهم شئ كمان
من هنا بقى يبدأ اللى عاوزة تركزوا فيييييييه اوى
اما خرجت مالمستشفى ورجعت بيتى عضويا انا سليمة وجاهزة يومين تلاتة وارجع طبيعية خالص مع شوية الادوية وابقى تمام
اللى حصل انى كنت كل ماخد برشام المضاد الحيوى كل 12 ساعة ارجعه
ودة حصل ليه لان دة اول حاجة تقريبا ابلعها بعد اكتر من اسبوع فكنت خايفة ومش عارفة حاحس ب ايه وانا ببلع بعد العملية اصلى كنت قبلها
بعااااااااانى ومكنتش عارفة ابلع بؤ المية وحامووووووووت مالعطش قومت مرجعاه
قام الدكتور قايلى عشان ماكلتيش لاااااااااازم تاكلى مينفعش على معدة فاضية
((للتوضيح بس طول الفترة اللى قبل العملية الانتبيوتك بتاعى حقن ياوريد ياعضل والمحاليل بتتاخد بانتظام طبعا لا كنت بدوخ ولا بحس بقلة الاكل
ولا حاجة))
نيجى بقى لما بعد العملية لما كنت فالبييييييييييت
حصل اللى مكنتش اتصوره
عقلى الباطن يابنات هو اللى اتحكم فيا وبقيت اقنعه بالعكس عشان اكول
ازاى براحة كدة يارب توصلكوا
انا قولتلكوا كل ماخد البرشامة ارجع فكنت امسك نفسى بعدها لحوالى ساعتين وبرده ارجعها الدكتور قال لازم اكول فبقيت احط جنبى علبة زبادى
اكول منها اللى اقدر عليه وعصير.. طبعا عملية البلع صعببببببببة جدا
وكل مادخل حاجة احس بألم وبتمنى ال12 ساعة ميفوتوش عشان ميجيش ميعاد التانية
وبقى كل 12 ساعة بالظبط ارجع البرشامة والاكل اللى اكلته
كلمنا الدكتور غيرلنا لنوع تانى
برررررررررررررررده نفس الاعراض
كلمناه تالت قال ازاى كدة طيب تاخد 6ايام بس حقن نفس النوع اللى كنت باخده قبل العملية و دة لا كان تاعبنى ولا ليه اعراض او حاجة
بس برررررررررضه لازم تاااااااكل
اوبا دى المشكلة يعنى برده حابلع
بقيت ارجع اى حاجة حتى بؤ المية فرجعت اخد محاليل تانى مهو مفيش اكل وقام الدكتور فالمستشفى خوفنى قاللى مينفعش تستمرى علىكدة لازم
تاكلى انا بس رأفة منى عشان متقعيش من طولك والحقن 1000 ههههه كان بيهددنى يعنى عشان اكول زى العيال الصغيرة …..
مش فاهمة فى اييييييييه ان لا بيجيلى مغص ولا بحس بحاجة غير ان اللقمة واقفة قبل زورى بشوية لو ملت حتنزل لو نمت على ظهرى حتخنق منها
حاسة انها واقفة فرقبتى
لكن مكانش فيه حاجة واقفة ولا حاجة دة انا اللى بيتهيألى كدة
!!!!!!!………
الموهم فضلت كدة لحوالى 10 ايام فالمعاناة دى بعد العملية وجه ميعاد استشارة الدكتور قمت البس البنطلون لاقيته بيقع وانا قفلاه مينفعش انزل بيه
وانا معنديش حزام
اصلا لانى تخينة ولبسى حيتفرتك عليا وعمالة بتخن عليه
الموهم طلعت بنطلون من بتوع قبل الجواز وطبعا ماعرفتش نفسى قدام المراية اصل دى اول مرة البس هدوم خروج كنت طول الايام دى عايشة
بكام قميص للنوم كدة ماما جابتهوملى وانا برضع واسعين قعدت بيهم عندها وكان اسدال كبيير معايا فالمستشفى اروح واجى بيه
طبعا كنت حاسة انى خسيت بس لاوزنت ولا بلبس لبسى العادى ومكنتش فوعيي اوى المرض كان آلمنى اووووووى
وقفت عالميزان لاقيتنى نزلت من 78ك ل 65 ك
بالظبط 13 كيلو فحوالى اسبوعين
الدكتور اما روحتله واشتكيتله قاللى دى حالة نفسية انتى عشان خايفة تبلعى اولا سدة نفسك بنفسك لانك عارفة انك لما حتاكلى حترجعى
فمبتجوعيش واذا جيتى على نفسك وكلتى معلقة متستحمليهاش وتقعدى تتكوتى فنفسك وترجعيها
لو فضلتى على كدة حتعانى من حاجة لاقدر الله اللى هيا البوليميا اكيد كلنا عرفنها
علااااااااااااااااااااااااااااااااااجك هو الاكل تروحى من عندى تاكلى عادى خالص وتشيلى من دماغك اوهام انك حتتوجعى مالبلع
وانك حترجعى الاكل حتخفى خالص ولا حتحسى بألم فالحنجرة خالص ولا اى حاجة
روحت بدأ بقى العقل الباطن يشتغل
بنتى حبيبتى داخلة ف 3اسابيع مشوفتهاش عند ماما وحاموت دى اول مرة تبعد عنى
بقيت اقنع نفسى عشان ترجع البيت لازم انا ابقى كويسة عشان اعرف اخدمها واشيلها فلازم اكول
مبقاش دايخة ومدروخة ومش قادرة حتى اخدم نفسى
اوقات احس بيأس انى مش حاخف خالص وحافضل كدة معرفش لحد امتى وافضل محرومة منها لانى مش حتعالج ماللى فيه دة ومحدش ولا دكتور
حيعرف يعالجنى لان مفيش دوا حيفضل فبطنى فلا اكول ولا اطيق ابص للأكل ولا ريحته بقى حاجة تنكد عليا حياتى
بعد مكان حياااااااااااتى كلها تدور محورها حولين حناكل ايه بكرة ونتعشى ونفطر ونتعزم فين
استنوووووووووووووونى المشاركة الجاية