يا بنات ازيكم عاملين ايه
انا انهارده عملت اختراع جديد
مش عارفه في حد عمله قبل كده ولا لا !!
بس انا مشوفتوش انا جه علي بالي فعملته و متجيش واحده تقولي ان هي الي اخترعت ولا صحبتها علشان بتحصل معايا كتير
و الحمد لله نجح جدا فقولت اجي اهولهولكوا لانه بيوفر فالوقت جدا
انا من كام يوم كان ليا موضوع
الي شطريين في العجين ياريت يدخلوا استشارة )
كنت عايزة اعمل معجنات بالدقيق الاسمر و عملتها فعلا بس طلعت ناشفه بشكل وحش
لان مكنتش حاطه زيت كفايه و كمان اعتقد اني مسبتهاش تخمر كويس
المهم جيت بقا انهارده و قولت اعمل توست بالدقيق البر الاسمر يعني و الحمد لله طلع راوعععععععععععععععععععه
و انا عملت بطريقه صاحبه الموضوع ده
التوست الدايت بالدقيق الاسمر بالصور من مطبخى
طبعا انتوا بتسالوا فين الاختراع
منا جايالكوا فالكلام اهوه و بالصورة ان شاء الله
يلا نبدا باسم الله :
انا عجنت و عمل نفس مقدير الاخت صاحبه الموضوع الي فوق بالضبط بس انا عملت 3 كبايات دقيق
هو اني بعد معجنتها و كله تمام روحت حطتها فالكيس الحراري بتاع الطبخ و خرجت منه الهوا و قفلت عليها زي الصورة
و مش كده و بس بقا
لا ده كمان روحت اخدها و حطتها في الميكرويف علي درجه حراره واطيه جدا اوطي حاجه عندك
انا عملتها علي power 10 لمده 15 دقيقه
لما طلعتها لقيتها مشاء الله كبيرة وفطمعت قولت طب منا اسبها كمان 15 دقيقه تانين
مشاء الله كبرت و اضاعفت و انا فرحت اوي بس مدخلتهاش بقا تاني الميكرويف ههههههههههههه
قولت اخبزها بقا و ابتدي
المهم بس مجيت عجنتها و قسمتها و عايزة بقا اعمل التوست قوم ايه ملقيش عندي قالب توست
بس قولت هتصرف و خبزتها فبتاعت الكيك وو نفعت فعلا
بس لاني قسمت العجينه علي اتنين و ده من فلحتي لاني كنت عايزهاعمل حاجات جنب التوست طلعت عجينه التوست صغيره بس برضه قولت اخبزها و زي متيجي بقا
و هنا دهنت العجينه بكريمه طبخ و زبده
و الصراحه كانت فوكيرة ناجحه تنفع الواحد يعمل فيها توست لو معندوش القالب بتاع التوست و لما طلعوا من الفرن كانوا كده
و دي بقا واحده انا كنت حاشيها بالقرفه و النيسكويك تححححححححححححفه و حطيت عليها حليب مكثف و هبرتها
و بس كده تمام و جربوا بقا حكايه الكيس فالتخمير هيعجبكوا اوي و انا بعد كده مش هعمله ان شاء الله غير كده بالكيس
مواضيع هذا القسم برعاية
bolbola2033 bolbola2033 744734_3.gif فتكات رائعة Fatakat 744734 رياض – رياض