بسم الله الرحمن الرحيم
السلام عليكم على احلى فتواكات فى الدنيا ده اول موضوع ليا فى القسم ده
انا ليا تجربة مع موضوع التخن والفقدان والوزن وكده وعايزه احكيها ليكوا وانتوا كمان عشان نستفيد من قصص النجاح باذن الله ونشجع العضوات اللى فى نص الطريق زى
انا بدات تجربة فقدان الوزن سنة 2024 وكنت اتبع ريجيم كيمياوى وطبعا بهدلنى جداااااااااااااااااااااااااااااااا وخسيت بس من فوق والمنطقة اللى تحت كانت زى ماهى حتى مقاسى من تحت كان زى ماهو وطبعا كانت والله هتظهر عندى الانيميا بس عملت صورة دم فى النص وربنا ستر الحمد لله يارب
وبعد كده اتعرفت على دكتورة ممتازة (ربنا يديها الصحة) مشيت معاها من 2024 من الصيف وعلى نهاية السنة خسيت جامد لدرجة انى كنت بلبس مع اختى الصغيرة
طب انت هتقوللى فين المشكلة ؟؟؟؟؟؟؟؟ المشكلة انى ماثبتش واتجوزت وحملت وخلفت فطبعا تخنت تانىوالدكتورة دى من القاهرة فصعب انى اسيب رضيعى المدة دى كلها حوالى نص يوم
يلا بلاش بكاء على اللبن المسكوب اللى راح راح
فجوزى(ربنا يكرمه) اشار عليا بالابر الصينية فاانا جربت الابر الصنينه ودلوقتى مركبها وادعولى انها تنجح عشان انا تعبانة من التخن
بس حد ممكن يقولى هى الابر دى بتخسس ازاى؟
اقولك ان منها النوع اللى بيتركب عند الاذن ودى بتعمل مراكز الشبع فى الجسم يعنى بتسد النفس عن طريق الدكتور بيحطها عند مراكز الشبع وانت كل ساعتين تخبطى عليها باصباعك عشان تشتغل وان شاء الله تشبعى من اقل كمية من الاقل
وكمان الدكتورة قالت ليلى انها بتحرق الدهون عن طريق الانزيمات
وكمان هى عبارة عن ابره رفيعة جدا اقل من واحد مليمتر بيتم العلاج بها عن طريق تبيتها بالوخذ بس مافيش الم خالص وانت بتركبيها ولا انت بتشيلها ولا بعد ماتركيبها
وفى نوع كمان دى واحدة صحابتى جربته عيارة انه بيخسس فى الاماكن بس ماعرفش النوع ده حلو ولا ايه
هى ميزة الابر انها طبيعية يعنى مش زى الادوية لها اثار جانبية وخصوصا للى عندهم اطفال بترضع وعايزة تشوف عامل مساعد مع الدايت
يارب كل واحده تحكيى معايا على قصتها عشان نستفيد مع بعض واللى عندها اى ملحوظه على الابر الصينية ياريت تقولى عليهاواللى هتعدى وماتقولش قصتها او ترد عليا هزعل خالص والله وهكتئب ارجو الردود عشان نفسى بجد الاقى حد زى ويتكلم معايا نعمل ايه عشان نخس كلنا ان شاء الله ونتمتع بصحة كويسة كلنا
nonosmontaser nonosmontaser 97277_16.gif هونها يااااااااااااارب 🙂 Fatakat 97277 🙂 – بلاد الله الواسعة