ازيكو يا فتوكات انا بصراحة اول مرة اعمل موضوع في فتكات واول مرة اشارك وانزل موضوع وانا بحب طبخ جدا ديه هوايتي
اول وصفية ليا مكرونة بشاميل
المقادير
كيسين مكرونة اقلام
نص كيلو لحمة مفرومة
بصلتين مقطعين
فلفل رومي وفلفل حامي لو حابة اكل حراء وتقطعي قطع
البشاميل
نص كيلو لبن
4 م زبدة وشوية زيت عشان ميتحرقش زبدة
8 م كبيرة دقيق
الطريـــــقة
اول حاجة طبعا اعلق على ماية واول لما تغلي احط الملح اوعي تحطي زيت في ماية طالما هتخليه مكرونة فرن بعد ما الماية تغلي نحط مكرونة واول لما تستوي اصفيها
وفي طاسة نحط زيت ومعلقة زبدة بحب انا احط زبدة في كل حاجة بدي طعم اصفر بصل وبعدين احط فلفل واقلب لحد ما احس ان بصل بقا عامل زي لون كراميل مش ابيض وبعدين احط لحمة واول لما لحمة يغير لونها احط توابل ملح وفلفل وكزبرة وزعتر وبهارات مشكلة وقلبيهم وخلي لحمة تتحمر لو حابة تضيفي معلقة معجون طماطم ضيفي بس لحمة تبقا متحمرة لونها حلو متبقاش فاتحة كدة عشان لما ضيفي معجون طماطم بتفتح بضيف معجون طماطم معلقة بس اكون مذوباها في ماية عشان ميبقاش في قطع واسيبها شوية واطفي على لحمة.
البشاميل بقا اذوب زبدة وشوية زيت وبعدين ابعد حلة على نار واضيف دقيق واقلب لو لقيت بتاع تقيل اوووي احط زيت بعد كدة اضيف نص كيلو لبن وازودهم بماية عشان بشاميل ميبقاش كله لبن ودسم اوووي وبعد كدة بقا اقلب شوية بشوية واضيف مكعب مرقة وفلفل اسود وافضل اقلب لحد ما احس انه تقل انا ساعات لما بلاقي لسة خفيف وانا بقلب اضيف معلقة دقيق واقلب كويس اوي عشان ميبقاش في قطع دقيق بس واول لما تتقل سمك عوزاه اطفي عليه
التحضير
بدهن صنية شوية زيت وارش شوية بقسماط في قعر عشان متلزقش لو تييفال ممكن ادهنها بشاميل بس في القعر
قبل ما احط مكرونة في صنية اكون حطة عليها شوية بشاميل وشوية لحمة صغننين بعد كدة احط نص مكرونة في صنية واحط لحمة وشوية بشاميل وبقيت مكرونة وفي اخر بشاميل بس انا بحب بشاميل يبقا كتير
وبعدين ادخلها فرن ودة شكل نهائي بعد ما طلعتها وسبتها تبرد
ودة شكلها بعد ما طلعت
مواضيع هذا القسم برعاية
نهايتي معاك نهايتي معاك 915002_2.gif فتكات حبوبة Fatakat 915002 شبرا – القاهرة