انا عايزة احكيلكم عن تجربتى فى الحقن المجهرى الناجحه ولله الحمد وبشكر ربنا من كل قلبى انه هدانى اجمل هدية فى حياتى كلها الله اكبرعليهم ربنا يحفظهملى مالك وجويرية ما شاء الله عليهم.
اناعندى تكيس على المبايض وتبويضى ضعييييييييييف جدا زائد انى كنت عامله عملية الزايدهوانا صغيرة بس كانت بعد الشر عن كل اللى بيسمعنى انفجار فى الزايده وربنا نجانى منها بمعجزة وهى كانت السبب انها عملتلى تشوه فى انبوب واتعوج وبقى شغال بنسبة 40 فى المية فمبقاش يعتمد عليه تماما والتانى شغال كويس ولكن اصلا التبويض ضعيييييف وقت العملية كانت من سنة بالظبط كنت متزوجه من 3سنين وسبع شهور تقريبا وعملت كل المحاولات عشان ربنا يكرمنى بالحمل ولكن لسه مكنش ربنا اراد كنت كل شهر باخدمنشطات لما اتنفختمنهاوبقيت عاملة زى البالونه وعملت تلقيح صناعى مرتين وحاولت قبل كده اعمل حقن مجهرى مرة لكن مكملتش لان التكيس مع التنشيطبيعمل حاجه من الاتنين وده اللى عرفته بواقع خبرتى مع دكاترة مصر تقريبا كلهم الا اتنين تلاته كده واللى عرفته ان التنشيط مع التكيس ياما المبيض مش بيستجيب وتقريبا بيطلع بويضه او اتنين بالعافية او بيعمل فرط فى التنشيط وتضخم فى المبيض ويبقى عندنا يجى 30 بويضه وفى الحالتين بتتوقف العملية بعد التعب والشكشكة من الحقن والمصاريف وده كوم وخيبة الامل كوم تانى والعياط والحالة النفسية طبعا وده اللى حصل معايا فى المرة الاولى المبيض مستجابش للتنشيط بعد ما اخدت حقن لمده شهر كامل فوق ال10 حقن ومصاريف كشف عند الدكتور يعنى تقريبا نص تمن العملية او تلتها وساعتها الدكتور كان محترم وصريح معايا مانا كنت عشرة عمر معاه بقى بقالى معاه سنة ونص كل شهر عنده وعاملة تلقيح معاه المهم قالى حرام نكمل وانتى عندك يادوب بويضتين كبار حرام نكمل واحتمال كبير العملية متنجحش فحرام اضحك عليكى وكفاية الفلوس اللى دفعتيها رغم الالم اللى حسيته والقهر والاحباط وخيبة املى بس احترمته انه مكملش ومن بعدها قررت انى اوقف شوية موضوع العمليات والتنشيط وقولت اريح كم شهر وبعد تقريبا خمس شهور رجعت افكر تانى رغم ان الخمس شهور دول كنت بحاول كل شهر اعمل نفسى ناسية موضوع الحمل بس كل شهر كالعاده ببقى مستنيه ان الدورة متنزلش وكل شهر المشهد المعتاد العياط والحزن يوم نزول الدورة ولما رجعتفكرت تانى سمعت من حد قريب لىا ان مستشفى عين شمس الجامعى فيها حقن مجهرى رخيص بس نجح مع واحده قريبتى عملت هناك بس تلقيح ويقت حامل قولت لنفسى ليه مجربش روحت وقالولى لازم اعملت تلقيح 3 مرات عنوبعدين الحقن هو ده نظامهم والتلقيه هنالك تمنه 150 جنيه المهم قولتلهم انى عامله اتنين قبل كده قالولى خلاص تعملى مرة كمان وبعدين الحقن والحقن تمنه هنالك2800 جنيه من غير الادوية وفعلا عملت الاول التلقيح ومنفعش وجيت اعمل الحقن المجهرى وده اليوم اللى استنيته اخدت كورس الادوية اكتر من 30 حقنه اخدتها ماهما عارفين بقى ان تبويضى مش بيستجيب اخدت تنشيط من الدورة اللى قبلها كل يوم كنت باخد حقنه الصبح عضل وبالليل فى بطنى تحت الجلد تعبت اووووووووى بجد بس الحمد لله على كل شىء مضيعش تعبى هدر المهم جينا لليلة اللى قبلالسحب وانا بكشف فى المستشفى عشان يشوفوا التبويض وصل لايه ويحددوا ان تانى يوم هيسحبوا ومن قبلها طبعا كانوا بيقولولى كله تمام والتبويض مستجيب كشفوا علية لليلة السحب وكانت المفاجأه……
حصلى فرط تنشييييييط المبيض تضخم وعندى بويضات كتير وخطر السحب علية لانه ممكن يعملى ارتشاح ميه على المبايض بعد الشر وقالولى لازم نوقف العملية بجد كانت صدمة ليا رهيييييبة وخرجت من هناك بكلم نفسى انا وجوزى وبعيط منهارة وكنت بكلم اخت جوزى الله يكرمها كانت بتطمن عليا وجوزى قالها اللى حصل قالتلى كلمى الدكتور الله يباركله ويكرمه ياااااااااااارب اللى روحتله اول مرةفى حياتى اول ماتجوزت وابتديت ادور على الحمل لان هى تعرفه وهى اللى دلتنى عليه فى الاول وكان سبب فى انها حملت على ايده بعد ما حملت قبل كده 3 مرات وكل مرة تسقط قالتلى كلميه فى التليفون واحكيلة وكلمته قالى احنا ممكن نسحب البويضات ونستنى 4 شهور المبيض يرتاح ويرجع لحجمه الطبيعى وبعدين نرجع الاجنه قولتله ماشى انا موافقه وفعلا سحب البويضات وادانى ادوية وقالى احنا هنجرب بالادوية دى وخصوصا تاكلى بياض البيض 4 واحدات فى اليوم مع الادوية وبعد 3 ايام من السحب اكشف عليكى يمكن عشان اشوف المبيض وصل لايه ولما روحتله بعدها كانت المفاجأه ان ربنا اراد انالمبيض يرجع طبيعى جد وكل شىء تمام وقالى بكرة هرجعلك الاجنه من كتر فرحتى قعدت اعيط قالى دى ارادة ربنا انا متفائل بالخير ان شاء الله وتانى يوم رجعلى الاجنه حقنلى 3 اجنه ومرت فترة الانتظار على خير وعملت تحليل الحمل والنتيجه حاااااااااااااااااااااااااااامل الف حمد وشكر ليك يارب عمرى ما انسى اليوم الحمد لله ربنا كرمنى بأغلى حاجه فى عمرى كله وياااااااااااااااااااااارب يكرم كل واحد مشتاقه ومحرومه يارب
انا دلوقتى بقولكوا تجربتى لانى بجد نفسى كل واحده ربنا يكرمها بالحمل وتعرف ان ربنا كبييييير وحنين اوى ومبيضعش تعب على الفاضى ولا دعاء على الفاضى ولانى كمان قولتلواحده صاحبتى على اللى حصل وكان بقالها 4 سنين متجوزه ومحملتش وهى فى دمياط فولتلها اللى حصلى مع دكتورى وفعلا جت القاهرة واجرت شقه هى وجوزها لمدة شهرين وراحت لدكتور وعملت العملية والنهارده كان يوم التحليل بتاع الحمل بتاعها والحمد لله يارب طلعت حامل ومن كتر فرحتى والله العظيم فكرت اكتبلكوا قصتى يمكن اكون سبب فى ان اى مشتاقة منكوا او محلرومة ربنا يكرمها يااااارب
والعملية اتكلفت بالادوية تقريبا 10 الاف ونص ودكتورى اسمه محمد عبد السميع نائب المدير فى المستشفى الايطالى واستاذ فى جامعة عين شمس ربنا يكرمه يارب لانه بجد دكتور محترم ويعرف ربنا وعملى العملية فى مركز نور الحياة بس هو اللى عملهالى بأيده اى استفسار ابعتولى على الخاص وانا هقولكوا ووالله ما بعمل دعايه لحد انا بس تفائلت بدكتورى خير بعد ارادة ربنا طبعا وانه كان سبب فى حملى انا وصاحبتى ويارب مكونش طولت عليكوا
ساجده لرب العزة ساجده لرب العزة 735016_1.gif فتكات متميزة Fatakat 735016 القاهره – مصر