السلام عليكم ورحمة الله وبركاته
أنا الحمد لله ولدت من تسع شهور
ودى رابع ولادة ليا بفضل الله
المهم المشكلة الأزلية لكل حامل حموضة المعدة كانت معذبانى زى كل الحوامل
ولأنى بحب جدا الطب البديل والوصفات البلدى اللى غالبا بتبقة نافعة
بقيت أتابع فى التليفزيون كل وصفة واجربها
جربت كربونات الصوديوم على المية وشربتها وللأسف منفعتش هوا هوا الألم
وجربت البقسماط على الريق وفى كل وقت برضه نفس النتيجة
وحتى الجنزبيل انا بحبه جدا وسمعت الدكتور عبد الباسط بيقول انه حلو للحوامل وانا طبيعى باخده كل يوم من سنين برضه
المهم جربت كثير قوى وفى الآخر قلت ان المشكلة دى مالهاش حل هاضطر استحملها لغاية ما أولد وخلاص
وعشان ماطولش عليكم وانا عارفة ان الحوامل خلقهم ضيق وهايحدفونى باللى فى ايديهم
زوجى متعود يجيب لب وفول وحمص وتسالى يعنى
وفى مرة كان جايب فى التسالى لب صينى
وفى الحمل كنت بخاف جدا أقرب من المسليات دى عشان بتتعب المعدة زيادة
لكنى فى الليلة دى استبيعت وقلت هاقزقز لب صينى وبس
وألاقى المفاجأة بجد
معدتى ارتاحت جداااااااااااااااا ومفيش اى حرقان ولا حاجة
هوا اللب الصينى
انا معرفش مكوناته الغذائية ايه بس بجد فضلت بقية شهور الحمل وزوجى على طول يجيبهولى وكنت بخبيه من العيال طبعا عشان هاينسفوه وده علاجى
ياللا بقة جربوه وابقو قولولى على النتيجة عشان اتأكد الموضوع ده بينفع كع الكل ولا كان صدفة معايا أنا بس؟
ومتنسوش التقيييييييييييييييم
تكبير تكبير 194550_1.gif ممنوعة من المشاركة Fatakat 194550 القاهرة – مصر