ازيكم يااحلى فتوكااااات
مش عيزة اقولكم اتزليت وتعبت قد اية علشان انزل الموضوع دة
الصور بجد قرفتنى على مانزلت
فابقولكم اهو اللى مش هترد وتقييييم
امممممممممم
مش هديها من لحمتى هة بئى
بصوا ياقمراااااااااات
كان عندى ريش ضانى ومكسلة اولع الفحم واقف اشوفيها موال يعنى
قولت يابت الجيش بيقولك اتصرف
روحت عاملة اية بئى
تعالوا اقولكم بالصور
جيبت اللحمة الحلوة اهى
وبعدين جبت بصلتين حلوين وكام فلفلاية ويسلام لو مشطشطة
وقطعتهم شرايح كدة
وتبلتهم
بملح وفلفل وبهارات
وبعدين ياستى تجيب حاجة تحطى فيها كلوا مع بعضوا
اللحمة مع البصل والفلفل وتحطى نقطة ماية وتقلبيهم مع بعض زى كدة
سبيهم على جنب شوية بئى وتعالى على الصينية وافرشى فيها ورقة فويل بالطول الاول
كدة
وبعدين بالعرض كدة
نيجى للمهم بئى
هنحط اللحمة باللخلطة بتاعتنا وباقى الخلطة نوزعوا فوق الوش
وانا كنت مقطعة بطاطسية حطتها على الوش مع بقيت البصل والفلفل
وبعدين ياستى نقفل عليها ونحط فى الصينية ماية ودخلى الفرن
وكل الماية ماتنشف حطلها
بتاخد حاولى ساعة فى الفرن او ساعة الا ربع
وتتطلع كدة
روحت قاصة ورق الفويل من برة ومدخلاها الفرن مكشوفة بئى تتشوى
وطلعت كدة
وقدمتها مع رز ومخلل وسلطة طحينة عمايل جوزى حبيبى
يلا مدوا ايدكم متتكسفوش عمايل ايديا وحياة عنيا
ملحوظة لو عايزة تديها ريحة الشوى
بتكونى مولعة فحماية وتحطيها على قشرة بصلة وتتشى عليها معلقة سمنة صغيرة وتقفلى عليها بغطا حلة
وبالف هنا ياقمرات
قولولى انفع ولا اية
وادعولى ابئى ماما مواضيع هذا القسم برعاية
بطوطة القطقوطة بطوطة القطقوطة images/flowersavatars/avatar0011.jpg فتكات متميزة Fatakat 286220 الدوحة – قطر
سبحان الله و بحمده