بسم الله الرحمن الرحيم
اكتر ناس بتعاني هي ئللى وزنها فوق الـ 100 كيلو عشان كدا انا رحت لدكتور ادانى رجيم ممتاز جدااا
وحبيت انزلة ليكم هنا عشان تستفادوا كلكم
اكيد نفسكم تعرفوا انا خسيت قد اية لحد دلوقتى
انا خسيت 15 كيلو في شهرين مع انى لغبطت كتير جدااااا ولسة مكملة
الرجيم دا
هيخسس من 10 -13 كيلو في الشهر (ان شاء الله )
أولاا ياريت ئللى هيشتركوا معايا يكتبوا الوزن بتاعهم والطول ونفسهم يوصلوا لكام كيلو
بسم الله الرحمن الرحيم
نبدء كتابة الرجيم
الافطار
2زبادي أو 2 فاكهه أو 2 بيضة مسلوقة أو جبنة قريش (حجم 2 بيضة ) أو أربع ملاعق فول
+
1/4 رغيف بلدي أو رغيف سن أو اتوست أسمر
+
1 خيارة
الغداء
1- طبق سلاطة (مايوازي 3 خيار+2طماطم )
2- اللحوم (اما مشوية أو مسلوقة أو فرن في الخضار)
الكمية
(1/4 فرخة (بدون جلد ) أو 100 جرام لحمة أو سمكة مشوية (نص كيلو )
3- الخضار 2ملعقة (عادي ) أو 6 ملاعق (سوتية )
4- النشويات 2 ملعقة أرز أو 3 ملاعق مكرونة أو 1/4 رغيف بلدي
5- الفاكهه حبة واحدة (ممنوع الموز والبلح والتين والعنب والمانجو )
العشاء
زي الفطار
وبكدا يكون خلص الرجيم انا كتبتة بالنص من ورقة الدكتور
وفي شوية ملاحظات بقا
لكي تلغبطي مرة في الاسبوع في الفطار والغداء فقط لكن العشاء لاء
ضرورى انك تشربي كل يوم 14 كباية مياة
قبل كل واجبة لازم تشربي مشروب دافي
ليكي في اليوم 3 ملاعق سكر وممكن تكملى باقي اليوم بسكر ديت
لو جوعتى وسط الوجبات ليكي 6 خيارات طول اليوم أو 3 تفاحات
لو اي واحدة عندها اي استفسار تقول انا تحت أمرها
ولو استفدتم من الرجيم ياريت تقيموا الموضوع
غيري حياتك غيري حياتك 949961_9.gif فتكات رائعة Fatakat 949961 بلد زوجي – الحياة