السلام عليكم ورحمه الله وبركاته منذ فتره لاحظت انى كل لما اجى اعمل رز بيبقى نصفه مش مستوى وجزء منه ابيض مهما عملت من طرق قالولى انقعيه شويه قبل ما تعمليه فبقى بيعمل نشا اكتر المهم اخدت بالى من حاجه مهمه جدا مش عارفه اخذتم بالكم منها ولا ايه بعض اكياس الارز المشهوره الان فى السوق مكتوب عليها يا اما فى امام الكيس او فى الخلف مع افضل الطرق لطهيه ( لا داعى لغسل الارز) لانه معالج بطريقه بمكن يابانى ومعالج بكذا وكذا المهم هو معالج ولا يغسل وطريقه طهيه لو كان مع الشعريه ( دى من اكتشافى ) انك لما تحمرى الشعريه كويس وتاخد اللون اللى انتى عاوزاه ضعى كميه الارز على الشعريه واتركيه 7 دقائق للتحمير ايضا وقلبيه كل شويه وبعد لما لونه كده يبيض شويه وتحسى انه اتحمر كويس ضعى عليه مياه بارده من الحنفيه ( بلاش المياه الساخنه اللى كنا فاكرينها انها بتفلفل الارز) علشان مش هايستوى كويس وهاياخذ وقت المهم حطى معيارك العادى من المياه وكملى طهيه بالطريقه العاديه اما على ظهر اكياس الارز فهما ايضا كاتبين حمريه كويس فى الزبد او السمن او الزيت وضعى الماء واطهيه عادى المهم اخير اكتشفت لماذا كل الارز تغير بقالى سنه ماكنتش عارفه السبب واغير الماركه ورغم انى باجيب احسن ماركه علشان مايعجنش معايا وترفضه الجماهير كنت باعانى من مشكله طهيه الى ان تم اكتشاف السبب بالمصادفه الحمد لله فلا تغسلوا الارز بعد الان المهم يكون مكتوب عليه ذلك وانا لاقيت الكلام ده فى ارز الضحى والساعه ونفذتها مع زمزم ايضا ارجو ان تستفيدوا من تجربتى المتواضعه والسلام عليكم ورحمه الله وبركاته مواضيع هذا القسم برعاية
زهره اللؤلؤ زهره اللؤلؤ 199583_10.gif فتكات رائعة Fatakat 199583 الجيزه – مصر
سبحان الله و بحمده