السلام عليكم ورحمة الله 
عرايس فتكات الحلوين
طبعا الجهاز والبيركس والصيني والملايات لا يمكن تنسيهم
لكن في حاجات مهمه اوي مينفعش تنسيها وللاسف بتتنسي وسط الدوشه ده كلها
الحاجات ده هتخلي عريسك يعرف اد ايه هو اختار صح
وهتكون بداية مشرفه في حياتك الجديدة
ادويه وحاجات بسيطو لكن معناها انك انثى وبتهتمي بصحتك و صحة زوجك واولادك فيما بعد
لان مش معقووله شويه صداع متلاقوش قرص اسبرين تاخديه ولا اي حاجة تحصل تدوري على صيدليه وانت لسه جديدة وكمان ممكن تكوني مسافره في شرم ولا حاجة لازم تكوني مستعدة
نبدا بسم الله
هاتي ورقة وقلم
1- الصداع وارتفاع درجة الحرارة ( بروفين او بنادول) وطبعا ترمومتر لقياس درجة الحرارة
2- البرد والرشح (كومتركس)
3-اسهال ( انتينال او ستربتوكين)
4- امساك (لاكتيولوز)
5- مغص (سايمثيكون)
6- حرقان في المعدة وده مش مهم اوي لان لو الشخص اصلا مش بيجيله مش هيجي فجاه بس لو انت او خطيبك بتاخدوه احيانا ضروري جدا يكون معاك في كل وقت (زنتاك)
7- للحروق والجروح (ميبو)
8- للحبوب والدمامل (فيوسيدين كريم) مهم جدا تتحط او ما تظهر الحبايه علشان متكبرش
9- ممكن مضاد حيوي زي ايموكس كبسولات
10- اسعافات اوليه ( لزقات صغيره + شاش +قطن +بلستر طبي+ والفيوسيدين قلناه + بيتادين مطهر )
11- اولويز
12- غسول نسائي علبتين على الاقل
13- جل K-Y لتسهيل الجماع
اتمنى متنسوش الحاجات ده
مش هتكلفك كتير وانا شخصيا شايفاها من اولى الاولويات
ومتحطيهمش في المطبخ ولا الحمام ممكن درج في غرفة النوم واللي محتاج تلاجة حطيه في التلاجة
انا متكلمتش في البديهيات علشان مشتتش انتباهكم اكيد مش هتنسوا الحاجات العادية معجون اسنان وفرش وشامبو وهكذااااااااا
ودول ممكن نعملهم موضوع تاني بالتفصيل بس اشوف التقييم الحلو منكم
تخيلي الوضع لو احتجتوا حاجة وانتوا بالليل او لسه مش واخدين على المنطقه وارقام الصيدليات او مسافرين في شهر العسل تركيا ولا شرم
وحد فيكم تعب تعب بسيط كده ميلاقيش دوا ينقذه لازم العريس ينزل يلف في الشوارع
بجد هتفرق معاكم كتير اوي وابقي افتكريني بدعوه حلوة
* د/ فارما PHARMACIST * * د/ فارما PHARMACIST * 176765_6.gif مشرفة الموقع Fatakat 176765 فتكات – معظم الاوقات