ازيكم يااحلى فتوكات وحشتونى والله
عملت بقى زبادى فى البيت ماشاء الله تحفه قولت لازم تستفيدو برده وتعملوه انتو كمان وعلشان احنا فى رمضان وبناكله كتير
نخش على الموضوع علطول
المقادير
2 كيلو لبن عملت كتير علشان رمضان بقى وانا بحبه وعلشان خاطر النونو والكالسيوم وكده
1 علبه زبادى جهينه او اى حاجه
سكر حسب الرغبه
الطريقه
هانغلى اللبن كويس ونسيبه يبرد لحد اما يبقى دافى كده وحلو
2
هانجيب علبه الزبادى ونحطها مع اللبن فى الخلاط ونحط السكر اللى احنا عاوزينه ونضرب ثوانى
هانجيب كوبايات ونحط فيها اللبن انا عملت حوالى 10 كوبايات ونحط الكوبايات دى فى صنيه
نسخن الفرن على اعلى درجه حراره ونسيبه 10 دقايق
ونغلى مايه على النار ونحطها فى الصنيه
ونقوم حاطين الصنيه فى الفرن بعد اما نقفله طبعا
ونغطى الصنيه باى غطا ونقفل عليه لمده من 5 ل6 سعات واوعى حد يزود علشان مايسرسرش مايه
ولما المده تخلص هنلاقى احلى زبادى انشاء الله
شوفو ماشاء الله مافيهوش مايه ولا حاجه ازاى
والمعلقه مابتكدبش
الف هنا وشفا ليكم
سفيان ابنى ماشاء الله مابيكلش غيره والله ولو جبتله من بره مايحبهوش ابدا يقولى زبادى تاع دودو بس مافيش طبعا ماما ولا الكلام الفاضى بتاع العيله الصغيره ده عادى بيعتبرنى اخته الكبيره ده الفرق هما يدوب 15 سنه
طبعا نوسه الملحوسه ام حنتس كانت بتقولى انزله فى السوق ويبقى اسمه زبادى تاع دودو بس قولتلها شويه كده
فانتو ايه رايكم انزله ولا ايه عاوزين نضرب بقيت المنتجات التانيه بتاعه بخيره وجهينه بتاعه المواد الحفظه واللبن البودره والكلام ده
ماطولش عليكم بقى
اوعى حد ينسى التقيم احسن بصو اكلكم
القادم اجمل
مواضيع هذا القسم برعاية
ام سفيان@ ام سفيان@ 383781_3.gif فتكات رائعة Fatakat 383781 طنطا – مصر
