سلام عليكم ورحمة الله
كتبت انا موضوع من يومين عن الشراهة المفاجئة اللي بتصيب اي انسان بيعمل تنظيم اكل او ريجيم او حتى تقليل اكل وهو انك بعد تعب اسبوع او اسبوعين تخلصي التلاجة والموضوع ينتهي في نص ساعة او اقل بس قبل ماابدأ المرة دي عايزة اقول حاجة لاحظتها في الناس
اني بعد ما كتبت الموضوع فيه ناس جاية تسألني تقولي موضوع هايل بس سؤال ازاي اتخلص من الشراهة دي؟؟ بصراحة حسيت ان ماية ساقعة وقعت على راسي بس قلت مش مشكلة ياجماعة الموضوع مش دوا تاخديه والموضوع ينتهي دا تغيير شخصية لو لاحظتو معايا الآية اللي بتقول في سورة الرعد: إِنَّ اللَّهَ لا يُغَيِّرُ مَا بِقَوْمٍ حَتَّى يُغَيِّرُوا مَا بِأَنفُسِهِمْ" لو خدتو بالكم ربنا قال "ما بأنفسهم" ياجماعة اي ذنب احنا بنعمله دا بيبقى لخطأ في التفكير قبل ما يكون خطأ في الفعل ..يعني متعتقديش ان خطأك هو فقط انك بتاكلي كتير لاء ابدا انتي خطأك الاساسي هو افكار خاطئة جدا وممكن جدا يكون منها الطمع ..متزعلوش مني الحقيقة صعبة وصعب اصلا اللي يتقبل الافكار اللي بقولها بس هي دي الحقيقة..يعني اي موضوع انا بعمله مش محتاج قراية بس دا محتاج انك تفكري شويتين تلاتة مع التجربة وشوفي هل كلامي صادق ويناسبك ولا لاء
نرجع لكلامنا وهو الشراهة المفاجئة وبعد مااتكلمنا عن نظريتين وهو المتعة والالم انهاردا هتكلم عن المتعة بردو تكملة للي فات بس قبل اي حاجة تدعولي بصلاح النفس والبال واني اخس واثبت على تخسيسي ويلا نبدأ
دلوقتي انتي مثلا جيتي انهاردا وكان نفسك موت انك تاكلي حتة الشوكلاتة اللي فاضلة وطبعا نفسك مسهلالك الموضوع جدا وممكن تتخنقي اوي لانك مش قادرة تاكليها دلوقتي احتمال من اتنين يااما هتاكلي الشوكلاتية يااما مش هتاكليها صح ؟صح.
لو اكلتيها يبقى انتي عملتي كذا خطأ:
اول شيء هو خطأ الاسراف ..طبعا احنا كتخان عارفين ان احنا مسرفين بس تقريبا من كتر الكلمة مبقاش يحوق فينا . وانتي مش حاسة انه اسراف لاء اسراف جدا مش انتي اكلتي حتة الشوكلاتة بتاعتك مثلا؟ ليه اكلتي حق غيرك وليه تفكري في حاجة مش بتاعتك ..هتقولي طب ماهي مش هتتاكل ..يبقىى تترمي
تاني خطأ انه احتمال وارد جدا انك تكدبي او تداري او تخبي انك اكلتيها على جوزك او على عيلتك وطبعا دي مصيبة تانية بتحملك تأنيب ضمير فظيع وانتي بردو مفكرة انك هتقدري تعديه
طب وانا يعني مخنوقة ولازم اكل ولازم ولازم طب اعملي اللي انتي عايزاه بس هترتاحي شوية اه هترتاحي شوية بس مش دايما هتفضلي بردو في الصراع الدائم
الاحتمال التاني وهو انك مأكلتيش الشوكلاتة مش عشان ارادتك لاء لظروف طارئة
عايزاكي بقى تفكري ايه اللي حصل لو جت ظروف منعتك تماما انك تاكلي حتة الشوكلاتة دي وخلاص اتاكلت من حد تاني..هل مشكلتك مع جوزك اتحلت؟ هل الشوكلاتة دي كانت هتحل المشكلة هل اكلها كان فعلا هيريح بالك وتبدأي صفحة جديدة مع اللي اتخانقتي معاهم؟
الاحتمال الاخير وهو انك فعلا تسيبي الشوكلاتة بمحض ارادتك
في الحالة دي عايزاكي تكتبي في ورقة كل يوم انتصاراتك الشخصية على ذاتك وعلى لحظة المتعة الوهمية اللي انتي معتقديها ..انا وصل بيا الامر اني اكتب مثلا اني مااكلتش حتة جبنة او ادوق الرز او حاجات بسيطة والله فرقت معايا كتير جدا بقيت حاسة اني كنت عايشة في وهم ..كل حاجة بتتنسي بتتنسي فعليا مش كلام نظري ..المتعة بتتنسي والألم بتتنسي ..اسئلي نفسك هل انتي فاكرة طعم اخر قطمة حاجة حلوة اكلتيها؟ لكن هو الفراغ والوحدة والتمرد هما اللي بيهيئولنا كدا والله المستعان
احساسك بالوحدة دا احساس يخصك انتي مش هيخص العالم احساسك بالوحدة مش هيريحه انك تتمردي على العالم بقطعة من الشوكلاتة او اي نوع من انواع الخطأ احساسك بالوحدة لان قلبك هو اللي عايز يبقى وحيد جوزك مش سبب وحدتك عيلتك مش سبب وحدتك عملك مش سبب وحدتك دراستك مش سبب وحدتك
ياريت نركز في الكلام الاخير دا اوي لانه هيلخص حاجات كتير في حياتنا مش بس في الاكل في حاجات كتير ..وكفاية انهاردا كدا وبالله عليكم بالله عليكم تدعولي بصلاح الحال واثبت على الريجيم وان عيد ميلادي ميجيش الا وانا مكملة ريجيم ويريح بالي ويهديني ويهدينا جميعا
دا لينك الموضوع الاولاني لان توقيعي كدا هيتدمرhttps://fatakat.univanet.com/#4822086
sam_smile sam_smile 580810_1.gif فتكات ست الكل Fatakat 580810 المحلة – مصر