السلام عليكم ورحمة الله وبركاته
لكل الفتاتيك اللي بتعمل دايت زي حالاتي وزهقت من السلاطة الخضرا التقليدية
وكمان بتحب الكول سلو بس بتخاف تعملها عشان سعراتها
جبتلكو طريقة سهلة ولذيذة وسعراتها قليلة
بصو هو معروف ان الكارثة في الكول سلو هو المايونيز واحب انوه لحاجة ان مفيش حاجة اسمها مايونيز دايت او لايت
الاتنين عبارة عن بيض وزيت ودهون
فاحنا هنستغني عنو نهائي وهيطلع نفس الطعم الرائع
عن طريق اننا هنستغني عن المايونيز ونستبدل اللبن الرايب بالزبادي عشان يدي لزوعة زي المايونيز بالظبط
بصو كفاية لوكلوك ونخش عالطريقة
هتجيبي كوباية زبادي حلوة كدة شايلة وشها وتحطيها في طبق
وتحطي رشة ملح بس مش كتير رشة صغيرة يا فتوكات عشان الاملاح عدوة الدايت
ورشة فلفل
ومعلقة خل ابيض
ونقطتين زيت " اختياري "
وقلبي كويس
وقطعي الكرنب شرايح رفيعة
والخس الكابوتشي كمان
وابشري جزراية
بس يا ستي وحطي كله علي بعضه وقلبي وسبيها في التلاجة مش اقل من ساعتين عشان تشرب التتبيلة كويس
وبألف هنا وشفا
طيب هتقولي فرقت ايه عن الكول سلو العادية هقولك فرقت كتييييييييييييييييير بس في السعرات بس مش في الطعم
والله يابنات انا من عشاق كول سلو كنتاكي واما عملت دي مفرقتش اي حاجة في الطعم نهائي
بس السعرات اقل
اولا لاننا استغنينا عن المايونيز "بيض + كمية زيت كبيرة + سكر + ملح "
ثانيا استغنينا عن معلقة سكر لان في المطاعم بيحطولها سكر
حطينا كرنب + خس كابوتشي زودنا الفايدة " بس لو تحبي تعمليها بنوع واحد بس دة براحتك حاجة ترجعلك "
يارررب وصفتي تكون عجبتكم
والتقييم حسب ما الوصفة تيتحق برأيكم
ودة طبق لاول فتوكة ترد عليا وتدعيلي ربنا ينجحني وحققلي اللي في بالي
مواضيع هذا القسم برعاية
emy1989 emy1989 458726_11.gif فتكات ست الكل Fatakat 458726 إسكندرية – مصر