السلام عليكم ورحمة الله وبركاته
ازيكو يا بنات
انا طبعا زى اى بنوتة بموت فى البيتزا انا وجوزى وابنى
بس والله كنت فاكراها صعبة
لحد ما اختى جابتلى طريقتها من عالنت
وعملتها
وطلعت تحفة
نبتدى
بسم الله الرحمن الرحيم
المقادير
نص باكو بيكنج باودر
معلقة سكر كبيرة
ذرة ملح
كوب ونص دقيق
نص كوب لبن
2 معلقة سمن
2 معلقة زيت
الطريقة
هنحط الاول البيكنج باودر وعليه السكر وشوية مياه دافية صغيرين
هيدوبو
احط الدقيق
واعمل فيه حفرة
احط فيها السمن والزيت والملح واللبن
واعجن بايدى او بمضرب
لحد ما متلزقش فى ايدى
ولو عازت دقيق تانى حطى
لحد مامتلزقش فى ايدك
سيبيها ساعة تخمر
وهاتى صينية ادهنيها سمن او زيت
وافرديها فيها
هاتى بئة معلقة صلصة وحطى عليها معلقتين خل وتوم مفروم
وافرشيها عليها
وهاتى بعدها بيضة
ممكن او لو مش عايزة بلاش
واضربيها وحطيها عالوش
وبعدين الجبنة
واى اضافات بئة
وشغلى الفرن 10 دقايق وبعدين الشواية
لحد ماتستوى
بس كل شويو بصى عليها
هى بتاخد بتاع نص ساعة كدة
ملحوطة مهمة
قبل ماتدخل الفرن خرميها بشوكة ضرورى جدا
لحسن تنفش منك
وبالهنا والشفا
مواضيع هذا القسم برعاية
لبنى الجمااااااال لبنى الجمااااااال 136767_8.gif سوبر فتكات Fatakat 136767 القاهرة – مصر