السلام عليكم و رحمة الله و بركاته
أزيكم يا فتوكات طبعا أنا واحدة من الناس اللى دوخت فى حاجات كتير
علشان كده قررت أن لما ربنا يكرمنى هاساعد كل البنات و أقولهم على كل الحاجات اللى محتاجنها
فى جهازهم و نبتدى بالمطبخ و توكلنا على الله
يلا كلو يقوم يجيب ورقة و قلم و تعالى معاايا
بسم الله نبتدى بالاجهزة مش محتاجة صور
التلاجة
الغسالة لو فول أتوماتيك حطيها فى المطبخ مش فى الحمام علشان البارومة ماتكلهاش
غسالة الأطباق مش أساسى فى الأول بس للى حابة تجيبها وتريح بالها
مايكروويف أو فرن كهربا
فرن تابلت و بوتاجاز تابلت أو فرن كامل بالبوتاجاز بتاعه
شفاط هرمى فوق البوتاجاز أو شفاط عادى كل واحدة حسب أمكانياتها
وديب فريزر للى بتحب تحوش مع أنى أنا بفضل الصراحة تلاجة كبيرة ولا أجيب تلاجة صغيرة و ديب فريزر
بس فيه ناس بتحتاجة
دى بقى الأجهزة الكبيرة
ندخل على الصغير
الأول الكيتشن ماشين
أفضل حاجه فى نظرى فيليبس و بعديها براون
ده الفيليبس
ده كان قبل الأسعار زيادة الأسعار و الله أعلم دلوقتى بس أخر سعر وصلى كان
1200 جنيه
دلوقتى عندك البراون فيه بأسعار متفواته بس فيه واحد ب 900 وسطى و حلو
طيب دلوقتى أنا بالنسبة لى بحب أجيب خلاط و مطحنة بعيد عن الكيشن ماشين
ليه بقى علشان لو بعد الشر عندك لو الماتور باز فى الكيتشن ماشين الجهاز كله عطل
عموما الخلاط لوحده سعرها 300 وكسور مش عالى اوى يعنى
عندك المولينكس الفرنساوى حلو و خلو بالكم فيها حاجه اسمها مولينيت دى مضروبة
مالهاش علاقة بالمولينكس نهائى
و على فكرة الاجهزة الماركات زى فيليبس و براون مافيهمش مطحنة يعنى لازم تجيبى خلاط منفصل على الأقل
علشان المطحنة
الخلاط اليدوى ده أختراع هايل و مريح و لا غنى عنه
و سعره 275 جنيه يعنى كلام عبيط
مضرب البيض
العجانة بس أنا رأيى الشخصى حبيبتى مش هاتخسى لما تعجنى بأيدك فى بداية حياتك
هههههههههههههه أوفر بكتير من العجانة
غالية أووووووى فى سعر الكيشن ماشين كله على بعضه و ده أقل سعر ليها
و الباقى مضروب مابيأكلش عيش
ومعروف أن الأفضل فى السوق الكينوود
الشواية الكهربا يا استاذة . أوعى تنسيها مفيدة جدا أكيد طبعا
دى بقى شواية كينوود هايلة سعرها 450 جنيه تقريبا
ده كده الأساس ندخل بقى على الجزء الترفيهى يعنى مش شرط تجيبيه بس حلو يكون موجود
الكاتيل جهاز تسخين الماية . بالبلدى براد الكهربا وده سعره 175 تقريبا
قلاية
الشكل ده فيه منه نوع أسمه سوناى و سعره 250 تقريبا أنا بفتكر الأسعار تقريبى
يعنى تزيد 10 أو تقل 10
ماكينة الأيس كريم
ماكينة الفشار
التوستر
وسعره بيبتدى من 250 بردوه و بيوصل لحد 450 حسب النوع و عدد الفتحات
وفيه ماكينة القهوة فيه عادى و فيه محترفة
العادية فى سعر الكاتيل سعرها بردوه فى حدود 260
أما المحترفة بتبتدى من 1100
خلو بالكم فيه فرق مابين ماكنة القهوة و النسكافيه و الكابتشينو و الأسبريسو
لأن كل نوع من دول ماكينته مختلفة
و افتكرو أن الأجهزة دى للترفيه المبالغ هههههههههه
الميزان الحساس ده بينفع الصراحه و خصوصا اللى بتعمل حلويات جديد و هاتمشى
على الوصفة بالورقة و القلم و الجرام
دى بقى كل الأجهزة تقريبا و يارب أكون مانسيتش حاجة
نكمل بقى باقى محتويات المطبخ أستنونى فى الرد
d00do d00do فتكات هايلة Fatakat 659658 القاهرة – مصر