بسم الله الرحمن الرحيم
انا هقولكم خبرتى فاللى جبته واللى شفته فالسوق
علما ان بجهز من القاهرة واسكندريه والكويت والسعوديه فهقولكوا حتى اللى جبته من الكويت هقول هو فين فمصر واللى عندها اى زياده نفيد بعض وتقولنا جابت ايه واسعاره كانت ايه
اولا:النيش
1_الطقم الصينى وده اهم حاجه لازم يكون مختلف عن بقيه العرايس اللى حواليكى مبهر يعنى بس متستغليش لانه مش بيستخدم منظر بس واستاتقليه كل مابقي تقيل كل مابقي احسن وده انا مناقيه بس ليسه مجبتوش من الفلكى فاسكندريه وسعره2500بس مستغلياه
2_الطقم البيركس:ده اللى انتى هتستخدميه بس انا مش حباه فجيب بدل الطقم البيركس طقم طقم عشا وطقم فطار جبت طقم العشاجبت العشا من كارفور ب300جنيه بس جميل اوىىى الفطار ليسه
3_الاركوبال:وده اللى ممكن يتحط عنار ومايجرالوش حاجه ورنجه 650جنيه مش هجيبه مابحبوش برضه
4_طقم كاسات كريستل بوهيمي جبته من الكويت بس منه هنا كتير سعره300
5_طقم كوبايات مايه بوهيمي جبته من محل فالابراهيميه اسكندريه 325جنيه
6_طقم كاسات بدل ماتجيبي كاسات من اموا 90جنيه هاتى ار سي ار ده نوع كريستال رخيص 125جنيه لو قالك اكتر من كده ماليم ماتخدهوش
7_طقم كوبايات مايه برضه ارسي ار ب125جنيه
8طقم كوبايات شاي ارسي ار ب125جنيه
وعلى فكره مش لازم ده كل ممكن طقم واحد بس انا بحب الكريستال
9_هتجيبي طقمين رخاص اى كلام كده من العتبه من القاهرة الطقم ب40جنيه
عشان تملي النيش مايبقاش فاضي
10_طقم خشاف رنجه 200جنيه انا ليسه ماجبتوش
11_طقم الشاى والجاتوه :وده سعرة من 250 ل700
بس حاولى تستشيكيلك واحد لانه بيبقي ظاهر فالنيش
12_2طقم قهوه:وده اى كلام انا جايبه من السعوديه من مكه بحوالى 70جنيه الاتنين
13_3صوانى تقديم شيك:رنجهم 300جنيه بيبقو 3فبعض كده فالعتبه حلوين اوى
14_شنطه الشوك والمعالق وجبيها اخر حاجه لان بتطلع موديلات رنجها 500واحسن حاجه الايطالى
mera elzahed mera elzahed فتكات حبوبة Fatakat 210847 سالميه – كويت