السلام عليكم ورحمه الله وبركاته
اخواتى الجميلات انا جايه النهارده اكلمكوا عن مرض خطير جدا ممكن يكون عند كتير مننا واحنا مش عارفين وهو مرض الوسواس القهرى جاوبى معايا الاسئله دى
انتى بتغسلى ايدك اكترمن 10مرات فى الساعه الواحده؟
طيب انتى على طول شاكه فى الاكل والشرب انه مش صحى؟
بتدخلى النت تقرى عن الامراض واعراضها وتطبقيها على نفسك؟
بتبالغى فى نضافه بيتك وولادك بشكل ملحوظ؟
بتحبتى الترتيب وماتطيقيش تشوفى حاجه مش فى مكانها ؟
بتخافى من التراب جدا وممكن يعصبك؟
ممكن تتوضى اكتر من مره وتشكى وفى عدد ركعات الصلاه؟
على طول شاكه ان عندك مرض وحش وبتجرى تعملى تحاليل؟
بصى ياحبيبتى لو عندك الاعراض دى او اغلبها يبقى انتى شخص موسوس وطبعا الوسواس ده بيكبر مع الوقت وبيتحول لمرض خطير ممكن يأثر على حياتك تأثير جامد جدا وفى بعض الاحيان ممكن لا قدر الله توصل للانتحار
والمرض ده عباره عن افعال قهريه بيعملها المريض رغم انه عارف انها مش صح او على الاقل المبالغه فيها مش صح لكن مابيقدرش يتخلص من الفكره المسيطره على دماغه وده بيكون نتيجه لنقص ناقل عصبى فى المخ اسمه السرتونين
انا بنقلكم الكلام ده من خلال تجربتى لانى مريضه وسواس قهرى بس بتعالج ومن كتر ماعانيت من المرض ده مش عاوزه حد يتعذب بيه وخصوصا انه ممكن يكون عند حد ويتعامل معاه على انه مش مرض انه نضافه زياده او حاجه صحيه
طيب لو انتى عندك الافكار دى تعملى ايه
اولا امنعى تماما المشروبات التى تحتوى على الكفايين الشاى القهوه النسكافيه وامنعى العيش الفينو والشيكولاته
ثانيا كلى اسماك وموز وفواكه وخضروات طازه كتيروماتستهونوش بالحاجاتدى لانها بترفع ماده السرتونين
ثالثا اتعودى انك ماتعنديش الفكره اللى فى دماغك لا اجليها يعنى مثلا هقوم اغسل ايدى كمان شويه هروح للدكتور الاسبوع اللى جاى هبقى احلل بعدين لغايه ماالفكره تنتهى
رابعا اتعودى تشغلى وقتك يعنى لماتجيلك الفكره كلمى واحده صاحبتك او اشغلى وقتك بحاجه بتحبيها كروشيه تريكو طبيخ
خامسا ممكن تحتاجى بعض الادويه اللى بتزود السرتونين فى المخ واسمها مثبطات اعاده سحب السرتونين وبتاخديها لفتره مؤقته وبتتعافى تماما
طيب لو مش انتى اللى موسوسه وعايشه مع حد موسوس ماتحاوليش تعانديه حاولى تساعديه واعرفى انه بيعمل كده غصب عنه وان الحاجات اللى انتى شايفاها بسيطه هيا كبيره جدا بالنسباله
وطبعا لازم تستعينى بالله وتعرفى ان ده ابتلاء من ربنا ورفع درجات ليكى واستغفرى كتير وحطى ايدك على صدرك واقرى قل اعوذ برب الناس كتير
وانا تحت امركوا فى اى حاجه تخص الموضوع ده
لو عجبكوا الموضوع قيموه علشان الكل يستفيد وادعولى ربنا يجعله فىمنيزان حساناتى ويباركلى فى زوجى وابنى
كان يامكان كان يامكان فتكات هايلة Fatakat 543800 الزقازيق – مصر
سبحان الله و بحمده