ازيكو يا فتوكات
انا حامل لتالت مره و المرتين الاولانين ولدت قيصري ببنج كلي و تعبت و اتبهدلت اخر بهدله و خصوصا اول لما فقت من البنج كنت بصوت من الوجع اضعاف اضعاف اللي في الغرف اللي جنبي و بيولدو طبيعي و مكانش حد مصدق ان كل الصوات ده من واحد ولده قيصري مش طبيعي
و كمان انا مش بحب حد يشوفني و انا بفوق من البنج حتي اقرب الناس ليا و الموضوع ده بيجبلي اكتاب
فانا المره ده عايزه اولد ببنج نصفي و عماله بقالي فتره اعمل سيرش علي مميزاته و عيوبه
بس انا عايزه اللي جربته تقولي تجربتها و تجاوبني في الاسئله الاتيه :
1 – هل الصداع اللي بيعمله البنج النصفي محتمل ولا صعب جدا؟
2 – هل الابره مؤلمه اوي ولا زي اي حقنه؟
3- سوري في السؤال بس بجد ده اكتر سؤال شاغلني جدااااااااااااااا هل جسمي بيتعري جامد و انا باخد الحقنه لان الواحده بتبقي لابسه مريله العمليات اللي مفتوحه من الظهر يعني علي مخيلتي دكتور التخدير هيشوف جسمي من ورا من اول كعب رجلي حتي ظهري يعني هيشوف الافخاد و اسفل الظهر طبعا فاهمني و انا مستحيل اقبل ده
4 – و ده حاجه بردو شاغلاني اوي هما بيركبو قصتره بول ؟ولو اه امتي و هلي هي مؤلمه لان في واحده قريبتي جربتها بس في البنج الكلي و قالتلي اتعذبت جدا منها و بقت حاسه انها ولدت طبيعي و قيصري يعني جرح في بطنها ولالام فظيعه من تحت
اسفه طولت عليكو بس بجد متتصوروش الموضوع شاغلني ازي
رجاء رجاء كل اللي عنده معلومه مايبخلش عليا و علي كل الفتوكات بيها مستنيه ردودكو
سوسنه الوادي سوسنه الوادي فتكات متميزة Fatakat 246899 بلاد الله – بلاد الله