السلام عليكم و رحمة الله و بركاته
زى ما قلت ف العنوان كده أنا بامر الله كام يوم و هولد قيصرى ان شاء الله و لسة ما جيتش نص التاسع بس بسبب الولادات المتكررة لازم ما انتظرش كتير .
الطبيبة طلبت منى بقى دوبلر تطمن على الجرح القديم اللى ف بطنى و النونو لسة ما كملتش وظائف الرئة و الكلام اللى انتوا عارفينه ده و حجمه صغير شوية و انا ما كنتش بتغذى فعلا كويس …
المهم انا باخد الحقن و باخد بالاسباب و بحاول آكل اليومين دووول كويس
بس فكرت و قلت سبحان الله لازم الجأ لربنا و آخد بالأسباب كلها
أولا: انا الحمد لله بستغفر على طوووول طول ما انا قاعدة بقول "استغفر الله العظيم الذى لا اله الا هو الحى القيوم و اتوب اليه" و بكررها كل اما ابقى ساكتة
ثانيا : سيطرت على خوفى و قلت لااازم احسن الظن بالله لان ربنا يقول "انا عند ظن عبدى بى " فبقيت كل اما تيجى فكرة الولادة ف بالى اقول :بامر الله هاقوم بخير انا و النونو و هتبقى احلى ولادة ربنا كريييييم و دايما بطمن نفسى كده و بحسن الظن بالله ..ربنا يقول "هو على هين " هخاف من ايه بقى ؟؟؟؟؟؟
الفكرة بقى اللى جاتلى من يومين
الصدقة
طبعا كلنا عارفين "داووا مرضاكم بالصدقة "
انا بقى كنت معايا فلوس بتاعتى من العيد ما صرفتهاش و كنت عيناها قلت بامر الله هتصدق بيها كلها النهاردة على حد محتاجها اوى و باذن الله تكون الصدقة دى سبب لشفائى انا و الطفل اللى ف بطنى
و كمان قال الرسول صلى الله عليه و سلم "إن الصدقة تطفئ غضب الرب"
و طبعا أى ابتلاء بيصيبنا بيكون بسبب ذنوبنا مش كده ؟؟؟؟
طولت عليكم بس كان نفسى افيدكم بكل اللى فكرت فيه و اكيد اكتر ناس هتحس بالكلام ده اللى زيي ….
ها هتتصدقوا زيي و لا ايييييه؟؟؟؟؟؟؟؟؟؟
و باذن الله نتقابل هنا و نبشر بعض كلنا
مين معايا ؟؟؟؟؟
صلاتى نجاتى 1 صلاتى نجاتى 1 images/flowersavatars/avatar0001.jpg فتكات رائعة Fatakat 299917 المدينة الفاضلة – مصر